Валютын Зохицуулалтын Тухай Хуульд Өөрчлөлт Оруулах Тухай

Валютын зохицуулалтын тухай хуулийн 18 дугаар зүйлийн 1 дэх хэсгийг дор дурдсанаар өөрчлөн найруулсугай:

¶1.

Валютын зохицуулалтын тухай хууль тогтоомж зөрчсөн нь эрүүгийн хариуцлага хүлээлгэхээргүй бол дор дурдсан захиргааны шийтгэлийг ногдуулна:

¶1/

энэ хуулийн 12 дугаар зүйлийн 4 дэх хэсгийн заалтыг зөрчсөн иргэнийг 5000-50000, байгууллага, аж ахуйн нэгжийг 50000-250000 төгрөгөөр, мөн зүйлийн 2 дахь хэсгийн заалтыг зөрчсөн байгууллага, аж ахуйн нэгжийг 50000-100000 төгрөгөөр торгох

¶2/

энэ хуулийн 11 дүгээр зүйлийн 2 дахь хэсгийн 2,3,4 дэх заалт, 12 дугаар зүйлийн 3 дахь хэсгийн заалтыг зөрчсөн бол 50000-100000 төгрөгөөр торгох

¶3/

энэ хуулийн 14 дүгээр зүйлийн 6 дахь хэсгийн заалтыг зөрчсөн иргэнийг 50000 хүртэл, аж ахуйн нэгж, байгууллагыг 100000 хүртэл төгрөгөөр торгох

¶4/

энэ хуулийн 12 дугаар зүйлийн 1 дэх хэсгийн заалтыг зөрчсөн иргэнийг 20000-50000, аж ахуйн нэгж, байгууллагыг 50000-100000 төгрөгөөр торгох

¶5/

Монголбанкны зөвшөөрөлгүйгээр буюу олгогдсон зөвшөөрлийн хүрээнээс гадуур энэ хуулийн 11 дүгээр зүйлийн 1 дэх хэсэгт заасан үйл ажиллагаа явуулсан бол хууль бусаар олсон орлогыг хурааж, 50000-250000 төгрөгөөр торгох.

Энэ хуулийг 1995 оны 6 дугаар сарын 1-ний өдрөөс эхлэн дагаж мөрдөнө.