Үндсэн агуулга руу шилжих
ТМ Төрийн мэдээлэл
Нүүр › huuli-nemelt › 1997 › Газрын Тухай Хуульд Өөрчлөлт Оруулах Тухай

huuli-nemelt

Газрын Тухай Хуульд Өөрчлөлт Оруулах Тухай

Хүчин төгөлдөр
Байнгын хаяг Энэ хувилбарын хаяг PDF Akoma Ntoso XML Бүрэн бүтэн байдал Дагах (Atom)
одоогийн эх рүү буцах

Газрын Тухай Хуульд Өөрчлөлт Оруулах Тухай

1997-01-09, Улаанбаатар97-N-08

1 дугаар зүйл.
Газрын тухай хуулийн 25 дугаар зүйлийн 1 дэх хэсэг, 26 дугаар зүйлийн 1 дэх хэсгийг дор дурдсанаар өөрчлөн найруулсугай:1/

25 дугаар зүйлийн 1 дэх хэсэг:

1.

Газар зохион байгуулалт нь Газрын тухай хууль тогтоомжийг хэрэгжүүлэх, газрыг үр ашигтай, зохистой ашиглах, хамгаалах, газрыг үл хөдлөх эд хөрөнгийн улсын бүртгэлд бүртгүүлэх, газрын эдийн засгийн чадавхи, нөөцийг нэмэгдүүлэх, газар зүйн таатай орчин бүрдүүлэх зорилго бүхий цогцолбор арга хэмжээ мөн.

2/

26 дугаар зүйлийн 1 дэх хэсэг:

1.

Газрын нэгдмэл сангийн данс бүртгэлд газрын нэгдмэл санг газар өмчлөгч, эзэмшигч, ашиглагчдад хуваарилсан байдал, тэдгээрийн газрын хэмжээ, энэ нь үл хөдлөх эд хөрөнгийн улсын бүртгэлийн холбогдох бүртгэлтэй таарч буй эсэх, газрын үнэлгээ, төлбөр, төлөв байдал, чанар, газрыг хамгаалах талаар авсан арга хэмжээ зэрэг үзүүлэлтийг засаг захиргаа, нутаг дэвсгэрийн нэгж тус бүрээр тусгана.