Үндсэн агуулга руу шилжих
ТМ Төрийн мэдээлэл
Нүүр › huuli-nemelt › 1999 › Ой, Хээрийг Түймрээс Хамгаалах Тухай Хуульд Нэмэлт, Өөрчлөлт Оруулах Тухай

huuli-nemelt

Ой, Хээрийг Түймрээс Хамгаалах Тухай Хуульд Нэмэлт, Өөрчлөлт Оруулах Тухай

Хүчин төгөлдөр
Байнгын хаяг Энэ хувилбарын хаяг PDF Akoma Ntoso XML Бүрэн бүтэн байдал Дагах (Atom)

Ой, Хээрийг Түймрээс Хамгаалах Тухай Хуульд Нэмэлт, Өөрчлөлт Оруулах Тухай

1999-05-28, Улаанбаатар99-N-35

1 дугаар зүйл.

Ой, хээрийг түймрээс хамгаалах тухай хуулийн 4 дүгээр зүйлд дор дурдсан агуулгатай 3 дахь хэсэг нэмсүгэй:

3.

Гал түймэртэй тэмцэх байгууллага ой, хээрийг түймрээс хамгаалах, түймэртэй тэмцэх талаар дараахь бүрэн эрхийг хэрэгжүүлнэ:

1/ой, хээрийг түймрээс хамгаалах тухай хууль тогтоомжийн биелэлтийг зохион байгуулах; 2/түймрээс сэргийлэх зорилгоор тухайн бүс нутагт байгаль орчинтой харьцах тодорхой үйл ажиллагааг хязгаарлах, зогсоох; 3/онцгой болон хамгаалалтын бүсийн ойг цэвэрлэх, арчлах, шороон болон халз зурвас гаргах зэрэг түймрээс хамгаалах арга хэмжээний улсын захиалга өгч мэргэжлийн байгууллагаар гүйцэтгүүлэх; 4/түймрийн шалтгаан, нөхцөл болон хохирлыг тогтоох.

2 дугаар зүйл.

Ой, хээрийг түймрээс хамгаалах тухай хуулийн 6 дугаар зүйлийн 1 дэх хэсгийн 5 дахь заалтаас тогтоох гэснийг хассугай.

3 дугаар зүйл.

Ой, хээрийг түймрээс хамгаалах тухай хуулийн 4 дүгээр зүйлийн 1 дэх хэсгийн 1, 2, 3 дахь заалтыг тус тус хүчингүй болсонд тооцсугай.

4 дугаар зүйл.

Энэ хуулийг Галын аюулгүй байдлын тухай хууль хүчин төгөлдөр болсон өдрөөс эхлэн дагаж мөрдөнө.