Гүйцэтгэх Ажлын Тухай Хуульд Нэмэлт, Өөрчлөлт Оруулах Тухай

Гүйцэтгэх ажлын тухай хуулийн 9 дүгээр зүйлийн 1 дэх хэсгийн 1 дэх заалтын “Улсын аюулгүй байдлыг хангах байгууллага” гэсний дараа, мөн 11 дүгээр зүйлийн 1 дэх хэсгийн “тагнуул” гэсний өмнө, 12 дугаар зүйлийн 1 дэх хэсгийн 1 дэх заалтын мэдээ олох гэсний дараа гадаад гэж тус тус нэмсүгэй.

Гүйцэтгэх ажлын тухай хуулийн 6 дугаар зүйлийн 1 дэх хэсгийг дор дурдсанаар өөрчлөн найруулсугай:

¶6.1.

“Гадаад тагнуулын ажил”, “сөрөх тагнуулын ажил”, “тусгай алба”, “нууц арга, хэрэгсэл”, “халхавчлах”, “нууц гүйцэтгэх ажилтан”, “туслагч”, “туслах ажилтан” гэсэн нэр томъёог Тагнуулын байгууллагын тухай хуулийн 3 дугаар зүйлд заасан утгаар ойлгоно

Энэ хуулийг Тагнуулын байгууллагын тухай хууль хүчин төгөлдөр болсон өдрөөс эхлэн дагаж мөрдөнө.