Төмөр Замын Тээврийн Аюулгүй Байдлын Тухай Хуульд Нэмэлт, Өөрчлөлт Оруулах Тухай

13 дугаар зүйлийн 4 дэх хэсэг:

¶4.

Сонирхогч этгээд энэ хуулийн 13 дугаар зүйлийн 2 дахь хэсгийн 2-т заасан тусгай зөвшөөрөл авахдаа Аж ахуйн үйл ажиллагааны тусгай зөвшөөрлийн тухай хуулийн 11 дүгээр зүйлд зааснаас гадна дараахь бичиг баримтыг бүрдүүлнэ:

¶1/

техник, эдийн засгийн үндэслэл

¶2/

үйл ажиллагаандаа ашиглах тоног төхөөрөмжийн үндсэн үзүүлэлт

¶3/

үйлчлэх хүрээ, эзэмшлийн зааг

¶4/

байгаль орчинд нөлөөлөх байдлын үнэлгээ

¶5/

байгаль орчныг хамгаалах арга хэмжээний төлөвлөгөө

¶6/

үйл ажиллагаа эхлэх хугацаа, хөрөнгө оруулалтын хэмжээ, санхүүжүүлэх эх үүсвэр

¶7/

мэргэжлийн боловсон хүчний талаарх танилцуулга

¶8/

галт тэрэгний хөдөлгөөний аюулгүй байдлын шаардлага, тогтоосон техник, технологийн нөхцөл.

17 дугаар зүйлийн 4 дэх хэсгийн 7 дахь заалт:

¶7/

төмөр замын тээврийн үйлчилгээ эрхлэх, салбар зам барих, түүнд өргөтгөл хийх, татан буулгах, төмөр замын техник хэрэгсэл үйлдвэрлэх, төмөр замын обьект ашиглахад тавигдах техник, аюулгүй ажиллагааны шаардлагыг тогтоох.

Төмөр замын тээврийн аюулгүй байдлын тухай хуулийн 25 дугаар зүйлийн 1 дэх хэсгийн 1 дэх заалтын “11 дүгээр зүйлийн 2, 4, 5, 9” , 3 дахь заалтын 11 дүгээр зүйлийн 2, 9, 10 гэсний дараа , 11 гэж тус тус нэмсүгэй.

Төмөр замын тээврийн аюулгүй байдлын тухай хуулийн 13 дугаар зүйлийн 2 дахь хэсгийн 2 дахь заалтыг дор дурдсанаар өөрчлөн найруулсугай:

¶2/

төмөр замын тээврийн үйлчилгээ эрхлэх тусгай зөвшөөрөл олгох, хүчингүй болгох;

Төмөр замын тээврийн аюулгүй байдлын тухай хуулийн 9 дүгээр зүйлийн 1 дэх хэсгийн зөвшөөрөл авна. гэснийг тавьсан шаардлагын дагуу хийж гүйцэтгэнэ. гэж өөрчилсүгэй.

Энэ хуулийг Аж ахуйн үйл ажиллагааны тусгай зөвшөөрлийн тухай хууль хүчин төгөлдөр болсон өдрөөс эхлэн дагаж мөрдөнө.