Тагнуулын Байгууллагын Тухай Хуульд Нэмэлт Оруулах Тухай

Тагнуулын байгууллагын тухай хуульд дор дурдсан зүйл нэмсүгэй: 1/ 13¹ дүгээр зүйл:

¶13¹ дүгээр зүйл.Хилийн тагнуулын алба

¶13¹.1.

Хилийн тагнуулын алба нь хил хамгаалах байгууллагын дээд удирдлагыг хил орчмын нөхцөл байдлын талаархи тагнуулын мэдээгээр хангах үндсэн чиг үүрэг гүйцэтгэнэ.

¶13¹.2.

Хилийн тагнуулын албаны бүтэц, орон тоог хууль зүйн асуудал эрхэлсэн Засгийн газрын гишүүн батална.

¶13¹.3.

Хилийн тагнуулын албаны дүрмийг хил хамгаалах байгууллагын дарга болон Тагнуулын ерөнхий газрын даргын хамтарсан тушаалаар батална.

¶13¹.4.

Хилийн тагнуулын алба үйл ажиллагаагаа явуулахдаа энэ хуулийн холбогдох зүйлийг дагаж мөрдөнө.

Тагнуулын байгууллагын тухай хуулийн 9 дүгээр зүйлийн 1 дэх хэсгийн цэргийн тагнуулын байгууллага, гэсний дараа хилийн тагнуулын алба, гэж нэмсүгэй.