Үндсэн агуулга руу шилжих
ТМ Төрийн мэдээлэл
Нүүр › huuli-nemelt › 2002 › Нийгмийн Халамжийн Тухай Хуульд Өөрчлөлт Оруулах Тухай

huuli-nemelt

Нийгмийн Халамжийн Тухай Хуульд Өөрчлөлт Оруулах Тухай

Хүчин төгөлдөр
Байнгын хаяг Энэ хувилбарын хаяг PDF Akoma Ntoso XML Бүрэн бүтэн байдал Дагах (Atom)

Нийгмийн Халамжийн Тухай Хуульд Өөрчлөлт Оруулах Тухай

2002-11-21, Улаанбаатар02-ne-109

1 дугаар зүйл.
Нийгмийн халамжийн тухай хуулийн 14 дүгээр зүйлийн 4 дэх хэсэг, 16 дугаар зүйл, 17 дугаар зүйлийн 2 дахь хэсэг, 19 дүгээр зүйлийн 2 дахь хэсэг, 25 дугаар зүйлийн 1 дэх хэсгийн 5 дахь заалтыг дор дурдсанаар өөрчлөн найруулсугай:1/

14 дүгээр зүйлийн 4 дэх хэсэг:

14.4.

Жирэмсний болон амаржсны нэг сарын тэтгэмжийн хэмжээг амьжиргааны доод түвшинг харгалзан Засгийн газар тогтооно.

2/

16 дугаар зүйл:

16 дугаар зүйл.Олон хүүхэдтэйн тэтгэмж авах эрх, тэтгэмжийн хэмжээ
16.1.

Төрүүлж, өсгөн хүмүүжүүлж байгаа 16 хүртэл насны дөрөв ба түүнээс дээш хүүхэдтэй эх /эцэг/ жил тутам олон ххүхэдтэйн тэтгэмж авах эрхтэй.

16.2.

Олон хүүхэдтэйн тэтгэмжийн хэмжээг амьжиргааны доод түвшинг харгалзан Засгийн газар тогтооно.

3/

17 дугаар зүйлийн 2 дахь хэсэг:

17.2.

Нярай хүүхдийн арчилгааны тэтгэмжийн хэмжээг амьжиргааны доод түвшинг харгалзан Засгийн газар тогтооно.

4/

19 дүгээр зүйлийн 2 дахь хэсэг:

19.2.

Бүтэн өнчин хүүхэд үрчлэн авч өсгөсөн бол хүүхэд тус бүрт улирал тутам олгох тэтгэмжийн хэмжээг амьжиргааны доод түвшинг харгалзан Засгийн газар тогтооно.

5/

25 дугаар зүйлийн 1 дэх хэсгийн 5 дахь заалт:

25.1.5.

байнгын асрамжид байдаг /16 хүртэл насны/ тахир дутуу хүүхдээ асарч байгаагийн улмаас хөдөлмөр эрхэлдэггүй бөгөөд нэн ядуу амьдралтай өрхийн гишүүн, асран хамгаалагч /нэг хүн/-д амьжиргааны доод түвшинг харгалзан Засгийн газраас тогтоосон хэмжээний тусламжийг хүүхдээ асрахад нь зориулж сар бүр олгоно;

2 дугаар зүйл.

Энэ хуулийг 2003 оны 1 дүгээр сарын 1-ний өдрөөс эхлэн дагаж мөрдөнө.