Шүүхийн Тухай Хуульд Нэмэлт, Өөрчлөлт Оруулах Тухай

16¹ дугаар зүйл:

¶16¹ дугаар зүйл.Аймаг, нийслэлийн захиргааны хэргийн шүүх, түүний бүрэн эрх

¶16¹.1.

Аймаг, нийслэлийн захиргааны хэргийн шүүх нь анхан шатны шүүх мөн.

¶16¹.2.

Аймаг, нийслэлийн захиргааны хэргийн шүүх нь Ерөнхий шүүгч, шүүгчдээс бүрдэнэ.

¶16¹.3.

Аймаг, нийслэлийн захиргааны хэргийн шүүх дараахь бүрэн эрхийг хэрэгжүүлнэ:

¶16¹.3.1.

хуулиар харъяалуулсан хэрэг, маргааныг анхан шатны журмаар хянан шийдвэрлэх;

¶16¹.3.2.

хууль, тогтоомжид заасан бусад бүрэн эрх.

37¹ дугаар зүйл:

¶37¹ дугаар зүйл.Захиргааны хэргийн шүүхийн Ерөнхий шүүгчийн бүрэн эрх

¶37¹.1.

Захиргааны хэргийн шүүхийн Ерөнхий шүүгч шүүгчийн бүрэн эрхээс гадна дараахь бүрэн эрхийг хэрэгжүүлнэ: 37¹.1.1 захиргааны хэргийн шүүхийг тэргүүлэх, түүнийг төлөөлөх;

¶37¹.1.2.

шүүх хуралдааныг даргалах, шүүх хуралдаан даргалагч болон шүүх бүрэлдэхүүнийг томилох;

¶37¹.1.3.

шүүгчийн шийдвэрлэж буй хэрэг, маргааны шийдвэрлэлтийн хугацааны байдалд хяналт тавих;

¶37¹.1.4.

захиргааны хэргийн шүүх, шүүгч, ажилтнуудын шүүн таслах болон түүнтэй холбоотой үйл ажиллагааг зохион байгуулалтын удирдлагаар хангах, тэднийг шагнаж урамшуулах саналыг холбогдох газарт тавьж шийдвэрлүүлэх;

¶37¹.1.5.

харъяалах нутаг дэвсгэрийнхээ шүүхийг мэргэжлийн удирдлагаар хангах ажлыг зохион байгуулах;

¶37¹.1.6.

харъяалах нутаг дэвсгэрийнхээ шүүхийн шүүн таслах ажлыг уялдуулан зохион байгуулах;

¶37¹.1.7.

шүүгчийн ёс зүйн хэм хэмжээг зөрчсөн шүүгчид сахилгын хэрэг үүсгүүлэх хүсэлтийг Шүүхийн сахилгын хороонд, шүүгчийн ажил хэргийн чадвар, мэргэшлийн түвшингийн талаар дүгнэлт гаргуулах хүсэлтийг Мэргэшлийн хороонд тус тус гаргах;

¶37¹.1.8.

хууль тогтоомжид заасан бусад бүрэн эрх.

20 дугаар зүйлийн 7 дахь хэсэг:

¶20.7.

Захиргааны хэрэг шийдвэрлэх шүүхийн харъяаллыг хуулиар тогтооно.

32 дугаар зүйлийн 10 дахь хэсэг:

¶32.10.

Аймгийн захиргааны хэргийн шүүхийн Ерөнхий шүүгч нь аймгийн шүүхийн Ерөнхий шүүгч байна.

Шүүхийн тухай хуулийн 32.4-ийн “дагнасан” гэсний өмнө “аймгийн захиргааны хэргийн шүүхээс бусад”; мөн зүйлийн 32.9-ийн “дүүргийн” гэсний дараа “болон нийслэлийн захиргааны хэргийн”; 69.1-ийн “нийслэлийн шүүх” гэсний дараа “,нийслэлийн захиргааны хэргийн шүүх”; 69.2-ийн нийслэлийн шүүхийн гэсний дараа нийслэлийн захиргааны шүүхийн гэж тус тус нэмсүгэй.

Шүүхийн тухай хуулийн 15.2-ийн 10 гэснийг 16; 61.1-ийн 12 гэснийг 14 гэж тус тус өөрчилсүгэй.

Энэ хуулийг Захиргааны хэрэг хянан шийдвэрлэх тухай хууль хүчин төгөлдөр болсон өдрөөс эхлэн дагаж мөрдөнө.