Эрчим Хүчний Тухай Хуульд Нэмэлт, Өөрчлөлт Оруулах Тухай

Эрчим хүчний тухай хуулийн 28.2-ын тооцооны журам гэсний дараа эрчим хүч дамжуулах шугам сүлжээний эзэмшлийн зааг гэж нэмсүгэй.

Эрчим хүчний тухай хуулийн 30.1-д дор дурдсан агуулгатай 12 дахь заалт нэмсүгэй:

¶30.1.12.

эрчим хүчний шугам сүлжээ, тоног төхөөрөмжид эвдрэл гэмтэл учруулсан бол шаардагдах засварыг өөрөө хариуцах. Хэрэглэгч уг эвдрэл, гэмтлийг засах шаардлагатай арга хэмжээ авахгүй бол хангагч засварыг хийж, гарсан зардлаа хэрэглэгчээс шаардан авах эрхтэй.

Эрчим хүчний тухай хуулийн 28.1-ийн Иргэний хуулийн 226 дугаар зүйл гэснийг Иргэний хууль гэж, 30.1.8-ын аюулгүй байдлыг хангах гэснийг аюулгүй байдал, засвар үйлчилгээ, баталгаажуулалтыг бүрэн хариуцах гэж өөрчилсүгэй.

Эрчим хүчний тухай хуулийн 29.1-ийн Иргэний хуулийн 228 дугаар зүйл,, 30.1-ийн Иргэний хуулийн 227 дугаар зүйлд зааснаас гадна гэснийг тус тус хассугай.

Энэ хуулийг 2002 оны 1 дүгээр сарын 10-ны өдөр батлагдсан Иргэний хууль хүчин төгөлдөр болсон өдрөөс эхлэн дагаж мөрдөнө.