Архивын Тухай Хуульд Нэмэлт, Өөрчлөлт Оруулах Тухай

Архивын тухай хуулийн 10 дугаар зүйлд дор дурдсан агуулгатай 3 дахь хэсэг нэмсүгэй:

¶10.3.

Үндэсний архивын газрын даргыг Төсвийн байгууллагын удирдлага, санхүүжилтийн тухай хуулийн

¶45.1.

-д заасны дагуу нэр дэвшүүлсэн хүмүүсээс сонгож, эрхлэх асуудлын хүрээнд нь архивын байгууллага хамаарч байгаа Засгийн газрын гишүүний саналыг үндэслэн Засгийн газар томилж, чөлөөлнө.

16 дугаар зүйлийн 1 дэх хэсэг:

¶16.1.

Үндэсний төв архивын захирлыг эрхлэх асуудлын хүрээнд нь архивын байгууллага хамаарч байгаа Засгийн газрын гишүүнтэй зөвшилцөн Үндэсний архивын газрын дарга томилж, чөлөөлнө.

16 дугаар зүйлийн 3 дахь хэсэг:

¶16.3.

Аймаг, нийслэлийн архивын эрхлэгчийг тухайн шатны Засаг даргатай зөвшилцөн Үндэсний архивын газрын дарга томилж, чөлөөлнө.

Архивын тухай хуулийн 17.2.-ын төвлөрсөн болон орон нутгийн гэснийг хассугай.

Архивын тухай хуулийн 9.3.2.-ыг хүчингүй болсонд тооцсугай.

Энэ хуулийг 2003 оны 1 дүгээр сарын 2-ны өдрөөс эхлэн дагаж мөрдөнө.