Засгийн Газрын Тухай Хуульд Нэмэлт, Өөрчлөлт Оруулах Тухай

Засгийн газрын тухай хуулийн 20 дугаар зүйлийн 4 дэх хэсэгт “8/ гамшгаас хамгаалах асуудал.” гэж нэмсүгэй.

Засгийн газрын тухай хуулийн 20 дугаар зүйлийн “3/ Монгол Улсын Хууль зүй, дотоод хэргийн сайд” гэсэн хэсгийн “гал түймэртэй тэмцэх асуудал” гэснийг, мөн зүйлийн “5/ Монгол Улсын Батлан хамгаалахын сайд” гэсэн хэсгийн “иргэний хамгаалалтын удирдлага”, “улсын онцгой комиссын ажил” гэснийг, мөн зүйлийн “10/ Монгол Улсын Хүнс, хөдөө аж ахуйн сайд” гэсэн хэсгийн улсын нөөцийн асуудал гэснийг тус тус хассугай.

Энэ хуулийг Гамшгаас хамгаалах тухай хууль хүчин төгөлдөр болсон өдрөөс эхлэн дагаж мөрдөнө.