Засгийн Газрын Тусгай Сангийн Тухай Хуульд Өөрчлөлт Оруулах Тухай

9 дүгээр зүйлийн 9.1 дэх хэсэг:

¶9.1.

Монгол Улсыг хөгжүүлэх сан дараахь эх үүсвэрээс бүрдэнэ:

¶9.1.1.

зарим бүтээгдэхүүний үнийн өсөлтийн албан татварын орлого;

¶9.1.2.

Монгол Улсын нэгдсэн төсвийн тухай хуулийн 11.4-т заасан улсын төсвийн ашиг;

¶9.1.3.

Монгол Улсын нэгдсэн төсвийн тухай хуулийн 11.4-т заасан эрсдэлийн сангийн зарцуулагдаагүй хөрөнгө.

9 дүгээр зүйлийн 9.3 дахь хэсэг:

¶9.3.

Энэ хуулийн 9.1-д заасан сангийн хөрөнгийг дараахь байдлаар хуваарилна:

¶9.3.1.

энэ хуулийн 9.1.1-д заасан орлогыг мөн хуулийн 9.2-т заасан арга хэмжээ тус бүрт гуравны нэгээр;

¶9.3.2.

энэ хуулийн 9.1.2-т заасан ашгийг мөн хуулийн 9.2.2-т заасан арга хэмжээнд;

¶9.3.3.

энэ хуулийн 9.1.3-т заасан хөрөнгийг мөн хуулийн 9.2.1-д заасан арга хэмжээнд.