Газрын Тухай Хуульд Нэмэлт, Өөрчлөлт Оруулах Тухай

Газрын тухай хуулийн 20 дугаар зүйлд дор дурдсан агуулгатай 20.3 дахь хэсэг нэмсүгэй:

¶20.3.

Аймаг, нийслэл, дүүргийн газрын албаны даргыг газрын харилцааны зохих мэргэжилтэй, тухайн салбарт 3-аас доошгүй жил ажиллаж байгаа төрийн албан хаагчдаас Төрийн албаны тухай хуулийн 17.1-д заасны дагуу сонгон шалгаруулж томилно.

Газрын тухай хуулийн 20.2.8 дахь заалтыг дор дурдсанаар өөрчлөн найруулсугай:

¶20.2.8.

аймаг, нийслэлийн газрын албаны даргыг Газрын харилцаа, геодези, зураг зүйн газрын даргатай зөвшилцөж аймаг, нийслэлийн Засаг дарга, дүүргийн газрын албаны даргыг нийслэлийн газрын албаны даргатай зөвшилцөж дүүргийн Засаг дарга тус тус томилох, чөлөөлөх;

Газрын тухай хуулийн 23.2.6 дахь заалтын тухайн шатны Засаг даргын саналыг авсны үндсэн дээр аймаг, нийслэлийн газрын албаны даргыг томилох, чөлөөлөх гэснийг хассугай.