Хүүхдийн Эрхийг Хамгаалах Тухай Хуульд Нэмэлт, Өөрчлөлт Оруулах Тухай

Хүүхдийн эрхийг хамгаалах тухай хуулийн 17 дугаар зүйлд дор дурдсан агуулгатай 4 дэх хэсэг нэмсүгэй:

¶4.

Аймаг, нийслэлийн хүүхдийн байгууллагын даргыг нийгмийн салбарын болон хүүхдийн байгууллагад 3-аас доошгүй жил ажиллаж байгаа төрийн албан хаагчдаас Төрийн албаны тухай хуулийн 17.1-д заасны дагуу сонгон шалгаруулж томилно.

Хүүхдийн эрхийг хамгаалах тухай хуулийн 17 дугаар зүйлийн 2 дахь хэсгийн байна гэснийг байх бөгөөд түүний даргыг Хүүхдийн төлөө үндэсний газрын даргатай зөвшилцөж аймаг, нийслэлийн Засаг дарга томилж, чөлөөлнө. гэж өөрчилсүгэй.