huuli-nemelt
Прокурорын Байгууллагын Тухай Хуульд Нэмэлт, Өөрчлөлт Оруулах Тухай
Хүчин төгөлдөрПрокурорын Байгууллагын Тухай Хуульд Нэмэлт, Өөрчлөлт Оруулах Тухай
2007-08-14, Улаанбаатар07-ne-48
2/¶36¹ дүгээр зүйл.Улсын ерөнхий прокурорын баталгаа ¶36¹.1. Улсын ерөнхий прокурор дараахь баталгаагаар хангагдана:
¶36¹.1.1. уналга, холбооны хэрэгслээр хангагдах;
¶36¹.1.2. төрийн өндөр албан тушаалтны зэрэг зиндаанд тохируулан Улсын Их Хурлаас тогтоосон цалин, зайлшгүй шаардлагатай бусад хангамж авах буюу эдлэх;
¶36¹.1.3. гадаадад байх, зорчих хугацаанд дипломат эрх ямба, дархан эрх эдлэх.
¶42¹ дүгээр зүйл.Прокурорын ёс зүйн зөвлөл ¶42¹.1. Прокурорын ёс зүйн дүрэм зөрчсөн тухай асуудлыг шалгах, дүгнэлт гаргах эрх бүхий Прокурорын ёс зүйн зөвлөл /цаашид “Зөвлөл” гэх/-тэй байна.
¶42¹.2. Зөвлөл нь орон тооны бус байх бөгөөд Зөвлөлийг Улсын ерөнхий прокурорын орлогч даргална.
¶42¹.3. Зөвлөл 11 гишүүнтэй байх ба зөвлөлийн гишүүний бүрэн эрхийн хугацаа гурван жил байна.
¶42¹.4. Прокурорын ёс зүйн дүрэм зөрчсөн тухай асуудлыг Зөвлөлийн дүгнэлтийг үндэслэн Улсын ерөнхий прокурор шийдвэрлэнэ.
¶42¹.5. Прокурорын ёс зүйн дүрэм, Зөвлөлийн бүрэлдэхүүн, ажиллах журмыг Монгол Улсын Ерөнхийлөгч батална.
Прокурорын байгууллагын тухай хуулийн 35.2-т “Прокурор эмнэлэгт хэвтэж эмчлүүлсэн тохиолдолд эрүүл мэндийн даатгалаас хэтэрсэн зардал, өвчтэй, эсхүл тахир дутуу болсон тохиолдолд түүний цалин хөлсийг бүрэн хэмжээгээр олгоно.” гэсэн 2 дахь өгүүлбэр, 35.10-ын “хуулиар” гэсний дараа “,нэмэгдэл амралтыг Хөдөлмөрийн тухай хууль болон энэ хуулиар тус тус”, 44.3-ын Аймаг гэсний өмнө Прокурорын ёс зүй зөрчсөнөөс бусад үндэслэлээр гэж тус тус нэмсүгэй.
16 дугаар зүйлийн 1 дэх хэсэг:
2/¶16.1. Прокурор төрийн ашиг сонирхол зөрчигдсөн гэж үзвэл төрийн байгууллагын хүсэлтээр иргэний хэргийг хянан шийдвэрлэх ажиллагаанд зохигчийн төлөөлөгчөөр оролцоно.
23 дугаар зүйлийн 1 дэх хэсэг:
3/¶23.1. Улсын ерөнхий прокурор Улсын дээд шүүхийн хяналтын журмаар эрүүгийн хэргийг хянан шийдвэрлэсэн тогтоол хуульд харшилсан гэж үзвэл Улсын дээд шүүхийн хуралдаанаар хэргийг хэлэлцүүлэхээр эсэргүүцэл бичнэ.
35 дугаар зүйлийн 8 дахь хэсэг:
¶35.8. Прокурор тэтгэвэрт гарахад албан тушаалынх нь 36 хүртэл сарын үндсэн цалинтай тэнцэх хэмжээний нэг удаагийн буцалтгүй тусламж олгоно.
Прокурорын байгууллагын тухай хуулийн 35.2-ын “хохироосноос” гэснийг “хохироосон, түүнчлэн”, 42.1-ийн “Улсын ерөнхий прокурор” гэснийг “Улсын ерөнхий прокурорын орлогч” гэж өөрчилсүгэй.
Прокурорын байгууллагын тухай хуулийн 16.6, 17.2-ыг тус тус хүчингүй болсонд тооцсугай.