Боловсролын Тухай Хуульд Нэмэлт, Өөрчлөлт Оруулах Тухай

14 дүгээр зүйлийн 2 дахь хэсэг:

¶14.2.

Бүрэн дунд боловсрол олгох сургалтыг мэргэжлийн боловсролын сургалтын байгууллага эрхэлж болно.

14¹ дүгээр зүйл:

¶14¹ дүгээр зүйл.Мэргэжлийн боловсрол, сургалтын байгууллага

¶14¹.1.

Мэргэжлийн боловсрол, сургалтын байгууллага нь политехник коллеж, мэргэжлийн сургалт-үйлдвэрлэлийн төв зэрэг хэв шинжтэй байж болно.

¶14¹.2.

Политехник коллеж нь техникийн боловсролын сургалт эрхэлдэг байгууллага байна.

28 дугаар зүйлийн 1 дэх хэсгийн 21 дэх заалт:

¶28.1.21.

бүх шатны боловсролын сургалтын байгууллагыг аттестатчилах журмыг баталж, мөрдүүлэх;

30 дугаар зүйлийн 1 дэх хэсгийн 14 дэх заалт:

¶30.1.14.

орон нутгийн өмчийн мэргэжлийн боловсролын сургалтын байгууллагын захирлыг сонгон шалгаруулалтын дүнг үндэслэн томилох, хуульд заасан үндэслэлээр албан тушаалаас нь чөлөөлөх;

Боловсролын тухай хуулийн 7 дугаар зүйлийн 7.1 дэх хэсэг, 11 дүгээр зүйлийн 11.1 дэх хэсгийн бага, дунд, гэсний дараа мэргэжлийн боловсрол, гэж тус тус нэмсүгэй.

Боловсролын тухай хуулийн 11 дүгээр зүйлийн 11.4 дэх хэсгийг “Боловсрол, сургалтын стандартыг өмчийн бүх хэлбэрийн сургалтын байгууллага дагаж мөрдөнө.” гэж өөрчлөн найруулсугай.

Боловсролын тухай хуулийн 28 дугаар зүйлийн 28.1.12, 28.1.19 дэх заалт, 34 дүгээр зүйлийн 34.1 дэх хэсгийн мэргэжлийн сургалт-үйлдвэрлэлийн төв гэснийг мэргэжлийн боловсрол, сургалтын байгууллага гэж, 26 дугаар зүйлийн 26.1 дэх хэсэг, 40 дүгээр зүйлийн 40.2 дахь хэсэг, 43 дугаар зүйлийн 43.2.2 дахь заалтын мэргэжлийн сургалт-үйлдвэрлэлийн төвийн гэснийг мэргэжлийн боловсрол, сургалтын байгууллагын гэж, 28 дугаар зүйлийн 28.1.8 дахь заалтын коллеж, мэргэжлийн сургалт-үйлдвэрлэлийн төвийг гэснийг коллежийг гэж, 40 дүгээр зүйлийн 40.6 дахь хэсэг, мөн зүйлийн 40.4.3 дахь заалт, 43 дугаар зүйлийн 43.2.10 дахь заалтын мэргэжлийн сургалт-үйлдвэрлэлийн төвд гэснийг мэргэжлийн боловсрол, сургалтын байгууллагад гэж, 28 дугаар зүйлийн 28.1.21 дэх заалтын дугаарыг 28.1.22 гэж, 30 дугаар зүйлийн 30.1.14 дэх заалтын дугаарыг 30.1.15 гэж тус тус өөрчилсүгэй.

Боловсролын тухай хуулийн 14 дүгээр зүйлийн 14.1. дэх хэсгийн “,мэргэжлийн сургалт-үйлдвэрлэлийн төв” гэснийг, 36 дугаар зүйлийн 36.1 дэх хэсгийн “Мэргэжлийн сургалт-үйлдвэрлэлийн төвийн удирдах зөвлөлийн төлөөллийг Мэргэжлийн боловсрол, сургалтын тухай хуулиар зохицуулна.” гэсэн 2 дахь өгүүлбэрийг тус тус хассугай.

Энэ хуулийг Мэргэжлийн боловсрол, сургалтын тухай /шинэчилсэн найруулга/ хууль хүчин төгөлдөр болсон өдрөөс эхлэн дагаж мөрдөнө.