Төрийн Албаны Тухай Хуульд Өөрчлөлт Оруулах Тухай

Төрийн албаны тухай хуулийн 23 дугаар зүйлийн 23.2 дахь хэсгийн нэр дэвших болсон бол хуульд заасны дагуу нэр дэвшигчээр бүртгүүлэхээр сонгуулийн хороонд холбогдох баримт бичгийг ирүүлэхээс өмнө гэснийг нэр дэвших бол тухайн ээлжит сонгуулийн жилийн нэгдүгээр сарын нэгний өдрөөс өмнө гэж өөрчилсүгэй.

Энэ хуулийг Монгол Улсын Их Хурлын сонгуулийн тухай хууль /Шинэчилсэн найруулга/ хүчин төгөлдөр болсон өдрөөс эхлэн дагаж мөрдөнө.