Садар Самуун Явдалтай Тэмцэх Тухай Хуульд Өөрчлөлт Оруулах Тухай

3 дугаар зүйлийн 3.1.2 дахь заалт:

¶3.1.2.

“садар самуун явдал” гэж биеэ үнэлэх, бусдын биеийг үнэлүүлэх, эсхүл эдгээр үйлдэлд бусдыг татан оролцуулах, түүнчлэн садар самууныг сурталчлахыг;

4 дүгээр зүйл:

¶4 дүгээр зүйл.Биеэ үнэлэх, бусдын биеийг үнэлүүлэхийг хориглох

¶4.1.

Биеэ үнэлэхийг хориглоно.

¶4.2.

Бусдын биеийг үнэлүүлэхийг хориглоно.

12 дугаар зүйл:

¶12 дугаар зүйл.Тоо бүртгэл

¶12.1.

Биеэ үнэлсэн, эсхүл бусдын биеийг үнэлүүлсэн зөрчилд захиргааны шийтгэл хүлээсэн этгээдийн талаарх тоо бүртгэлийг цагдаагийн байгууллага эрхлэн хөтөлнө.

Садар самуун явдалтай тэмцэх тухай хуулийн 13 дугаар зүйлийн 13.2.1 дэх заалтын 4.1-ийг гэснийг 4.1, 4.2-ыг гэж өөрчилсүгэй.

Садар самуун явдалтай тэмцэх тухай хуулийн 12 дугаар зүйлийн 12.2 дахь хэсэг, 13 дугаар зүйлийн 13.2.2 дахь заалтыг хүчингүй болсонд тооцсугай.

Энэ хуулийг Хүн худалдаалахтай тэмцэх тухай хууль хүчин төгөлдөр болсон өдрөөс эхлэн дагаж мөрдөнө.