Галын Аюулгүй Байдлын Тухай Хуульд Нэмэлт, Өөрчлөлт Оруулах Тухай

3 дугаар зүйлийн 3.1.5 дахь заалт:

¶3.1.5.

“ой, хээрийн түймрийг унтраах” гэж ой, хээрийн түймрийн үед шаталт, тархалтыг зогсооход чиглүүлэн явуулж байгаа үйл ажиллагааг.

6 дугаар зүйлийн 6.1.6, 6.1.7 дахь заалт:

¶6.1.6.

иргэд, аж ахуйн нэгж, байгууллагыг ой, хээрийн түймрийг унтраах арга, ажиллагаанд сургах сургалт зохион байгуулахад мэргэжил, арга зүйн туслалцаа үзүүлэх;

¶6.1.7.

ой, хээрийн түймэр гарсан тохиолдолд гамшгийн хэмжээнд хүргэлгүй шуурхай унтраах арга хэмжээ авч хэрэгжүүлэх ажлыг орон нутгийн засаг захиргааны байгууллагатай хамтран зохион байгуулах;

Галын аюулгүй байдлын тухай хуулийн 14 дүгээр зүйлийн 14.1.2, 14.1.4 дах заалтын гал түймэртэй тэмцэх гэсний өмнө объектын болон ой, хээрийн гэж тус тус нэмсүгэй.

Галын аюулгүй байдлын тухай хуулийн 2 дугаар зүйлийн 2.1 дэх хэсгийн Ой хээрийг түймрээс хамгаалах тухай гэснийг Ойн тухай гэж, 6 дугаар зүйлийн 6.1.6 дахь заалтын дугаарыг 6.1.8 гэж тус тус өөрчилсүгэй.

Энэ хуулийг 2012 оны 5 дугаар сарын 17-ны өдөр баталсан Ойн тухай хууль /Шинэчилсэн найруулга/ хүчин төгөлдөр болсон өдрөөс эхлэн дагаж мөрдөнө.