Өмгөөллийн Тухай Хуульд Нэмэлт Оруулах Тухай

12 дугаар зүйлийн 12.6, 12.7 дахь хэсэг:

¶12.6.

Өмгөөлөгч мэргэшсэн эвлэрүүлэн зуучлагч бол өөрийн явуулсан эвлэрүүлэн зуучлах ажиллагааны оролцогч аль нэг талд хожим тухайн асуудлаар хууль зүйн туслалцаа үзүүлэх буюу аль нэг талын өмгөөлөгчөөр оролцох, эсхүл урьд өмнө өмгөөлөгчөөр оролцож байсан хэрэгт эвлэрүүлэн зуучлах ажиллагаа явуулахыг хориглоно.

¶12.7.

Өмгөөлөгч талуудын хүсэлтээр эвлэрүүлэн зуучлах ажиллагаанд оролцож байгаа тохиолдолд эвлэрүүлэн зуучлагчийн ажиллагаанд хөндлөнгөөс оролцох зэргээр талуудын эвлэрэх явдалд саад учруулахыг хориглоно. Өмгөөлөгч маргааныг эвийн журмаар шийдвэрлэх тохиролцооны нөхцөл болон үр дагаврыг эрх зүйн үүднээс үйлчлүүлэгчид тайлбарлах үүрэг хүлээнэ.

15 дугаар зүйлийн 15.7 дахь хэсэг:

¶15.7.

Өмгөөлөгч шүүхийн мэргэшлийн хорооны бүрэлдэхүүнд орохыг хориглоно.

Энэ хуулийг 2012 оны 5 дугаар сарын 22-ны өдөр баталсан Эвлэрүүлэн зуучлалын тухай хууль хүчин төгөлдөр болсон өдрөөс эхлэн дагаж мөрдөнө.