Концессын Тухай Хуульд Нэмэлт, Өөрчлөлт Оруулах Тухай

Концессын тухай хуулийн 30 дугаар зүйлд доор дурдсан агуулгатай 30.5 дахь хэсэг нэмсүгэй:

¶30.5.

Энэ хуулийн 30.1.3-т заасан татварын дэмжлэгийг татварын хууль тогтоомжид заасны дагуу, татварын хувь, хэмжээг болон татварын орчныг тогтворжуулах асуудлыг Хөрөнгө оруулалтын тухай хууль тогтоомжид заасны дагуу зохицуулна.

Концессын тухай хуулийн 30.1.3 дахь заалтыг доор дурдсанаар өөрчлөн найруулсугай:

¶30.1.3.

татварын болон бусад санхүүгийн дэмжлэг үзүүлэх;

Концессын тухай хуулийн 30 дугаар зүйлийн 30.2 дахь хэсгийн 30.1-д заасан гэснийг 30.1.3-т зааснаас бусад гэж өөрчилсүгэй.

Энэ хуулийг Хөрөнгө оруулалтын тухай хууль хүчин төгөлдөр болсон өдрөөс эхлэн дагаж мөрдөнө.