Үндсэн агуулга руу шилжих
ТМ Төрийн мэдээлэл
Нүүр › huuli-nemelt › 2013 › Сургуулийн Өмнөх Боловсролын Тухай Хуульд Нэмэлт Оруулах Тухай

huuli-nemelt

Сургуулийн Өмнөх Боловсролын Тухай Хуульд Нэмэлт Оруулах Тухай

Хүчин төгөлдөр
Байнгын хаяг Энэ хувилбарын хаяг PDF Akoma Ntoso XML Бүрэн бүтэн байдал Дагах (Atom)

Сургуулийн Өмнөх Боловсролын Тухай Хуульд Нэмэлт Оруулах Тухай

2013-02-07, Улаанбаатар13-ne-21

1 дугаар зүйл.
Сургуулийн өмнөх боловсролын тухай хуульд дор дурдсан агуулгатай дараах хэсэг нэмсүгэй:1/

8 дугаар зүйлийн 8.14, 8.15 дахь хэсэг:

8.14.

Сургуулийн өмнөх боловсрол олгож байгаа байгууллагад хөгжлийн бэрхшээлтэй хүүхдийн тооноос хамаарч тусгай мэргэжлийн багш, туслах багш, эмч, сэргээн засалч, нийгмийн ажилтан ажиллуулж болно.

8.15.

Сургуулийн өмнөх боловсрол олгож байгаа байгууллагын нэг багшид ногдох хөгжлийн бэрхшээлтэй хүүхдийн тоог боловсролын нийгмийн хамгааллын, санхүүгийн асуудал эрхэлсэн төрийн захиргааны төв байгууллага хамтран тогтооно.

2/

9 дүгээр зүйлийн 9.11, 9.12 дахь хэсэг:

9.11.

Сургуулийн өмнөх боловсролын тусгай цэцэрлэг нь сэргээн засалтын кабинет, танхимтай байна.

9.12.

Хөгжлийн бэрхшээлтэй хүүхэдтэй ажиллаж байгаа багш, нийгмийн ажилтан нь хөгжлийн бэрхшээлтэй суралцагчийн онцлогт тохирсон заах арга барилыг эзэмшсэн байна.

2 дугаар зүйл.

Энэ хуулийг 2013 оны 02 дугаар сарын 07-ны өдөр баталсан Хөгжлийн бэрхшээлтэй иргэний нийгмийн хамгааллын тухай хуульд нэмэлт, өөрчлөлт оруулах тухай хууль хүчин төгөлдөр болсон өдрөөс эхлэн дагаж мөрдөнө.