Үндэсний Их Баяр Наадмын Тухай Хуульд Нэмэлт, Өөрчлөлт Оруулах Тухай

7 дугаар зүйлийн 7.3 дахь хэсэг:

¶7.3.

Улсын баяр наадамд 1024 бөх барилдсан тохиолдолд улсын баяр наадамд түрүүлсэн арслан цолтой бөх ес давбал үзүүр түрүүний барилдааны өмнө түүнд улсын аварга цол олгож, улмаар арав давж түрүүлбэл улсын даян аварга цол олгоно.

7 дугаар зүйлийн 7.1.7, 7.1.8 дахь заалт:

¶7.1.7.

найм давж гурван удаа үзүүрлэсэн бөхөд улсын арслан;

¶7.1.8.

улсын баяр наадамд түрүүлсэн арслан цолтой бөх хоёр удаа найм давж үзүүрлэсэн бол улсын аварга;

Үндэсний их баяр наадмын тухай хуулийн 7 дугаар зүйлийн 7.1.8 дахь заалтын далай аварга гэснийг аварга гэж, мөн зүйлийн 7.4 дэх хэсгийн 7.3 гэснийг 7.4 гэж, 7.6 дахь хэсгийн 7.5 гэснийг 7.6 гэж, 7.9 дэх хэсгийн 7.8 гэснийг 7.9 гэж, 7.10 дахь хэсгийн 7.4, 7.6 гэснийг 7.5, 7.7 гэж, 7.1.8, 7.1.9 дэх заалтын дугаарыг 7.1.9, 7.1.10 гэж, 7.3-7.10 дахь хэсгийн дугаарыг 7.4-7.11 гэж, 10 дугаар зүйлийн 10.2 дахь хэсгийн 7.1, 7.2 гэснийг 7.1-7.3 гэж тус тус өөрчилсүгэй.

Үндэсний их баяр наадмын тухай хуулийн 7 дугаар зүйлийн 7.1.7 дахь заалтыг хүчингүй болсонд тооцсугай.

Энэ хуулийг дагаж мөрдөхөөс өмнө энэ хуулиар тогтоосон болзлыг хангасан бөхөд зохих цолыг олгоно.

Энэ хуулийг батлагдсан өдрөөс нь эхлэн дагаж мөрдөнө.