Хуульчийн Эрх Зүйн Байдлын Тухай Хуульд Нэмэлт, Өөрчлөлт Оруулах Тухай

24 дүгээр зүйлийн 24.1.5 дахь заалт:

¶24.1.5.

шүүхэд хэрэг, маргаан хянан шийдвэрлэх ажиллагаанд үйлчлүүлэгчийн эрх, хууль ёсны ашиг сонирхлыг төлөөлөх, өмгөөлөгчөөр оролцох.

36 дугаар зүйлийн 36.11 дэх хэсэг:

¶36.11.

Хуульчийн мэргэжлийн үйл ажиллагаа эрхлэх зөвшөөрлийг гадаад улсад авсан иргэн Монгол Улсад уг үйл ажиллагааг эрхлэхтэй холбоотой харилцааг хууль зүйн асуудал эрхэлсэн Засгийн газрын гишүүний баталсан журмаар зохицуулна.

24 дүгээр зүйлийн 24.2 дахь хэсэг:

¶24.2.

Хуульч нь энэ хуулийн 24.1.5-д заасан хуульчийн мэргэжлийн үйл ажиллагаа явуулахдаа энэ хуулийн 30, 31 дүгээр зүйлд заасны дагуу шүүхэд төлөөлөх эрхээ нээлгэсэн байна.

35 дугаар зүйлийн 35.1 дэх хэсэг:

¶35.1.

Өмгөөлөгч энэ хуулийн 24.1.5-д заасан хуульчийн мэргэжлийн үйл ажиллагааны хүрээнд дараах хэлбэрийн үйлчилгээг үзүүлнэ:

36 дугаар зүйлийн 36.1 дэх хэсэг:

¶36.1.

Хуульч нь энэ хуулийн 24.1-д заасан мэргэжлийн үйл ажиллагааг ганцаарчлан, гэрээгээр хамтарч, түүнчлэн хуулийн этгээд байгуулан эрхэлж болно.

36 дугаар зүйлийн 36.3 дахь хэсэг:

¶36.3.

Хуульчийн мэргэжлийн үйл ажиллагаа хамтран эрхлэх хуулийн этгээд /цаашид “өмгөөллийн хуулийн этгээд” гэх/-ийн хэлбэр нь хязгаарлагдмал хариуцлагатай нөхөрлөл байна.

Хуульчийн эрх зүйн байдлын тухай хуулийн 36 дугаар зүйлийн гарчгийн Өмгөөллийн үйлчилгээ үзүүлэх гэснийг Хууль зүйн туслалцаа, өмгөөллийн үйлчилгээ үзүүлэх гэж өөрчилсүгэй.

Хуульчийн эрх зүйн байдлын тухай хуулийн 39.1 дэх хэсгийн цалинтай гэснийг хассугай.

Энэ хуулийг батлагдсан өдрөөс нь эхлэн дагаж мөрдөнө.