Төсвийн Тухай Хуульд Өөрчлөлт Оруулах Тухай

Төсвийн тухай хуулийн 8 дугаар зүйлийн 8.9.8 дахь заалтын Төрийн өмчийн хороонд гэснийг санхүү, төсвийн асуудал эрхэлсэн төрийн захиргааны төв байгууллагад гэж өөрчилсүгэй.

56 дугаар зүйлийн 56.2 дахь хэсэг:

¶56.2.

Доод шатны төсвийн үндсэн тэнцлийн ашгаас суурь зарлагатай тэнцэх хэсгийн 70 хувийг тухайн шатны төсөвт үлдээж, үлдэх хэсгийг дээд шатны төсөвт төвлөрүүлнэ.

59 дүгээр зүйлийн 59.1.1 дэх заалт:

¶59.1.1.

импортоос бусад бараа, ажил, үйлчилгээний нэмэгдсэн өртгийн албан татварын орлогын 10 хувь;

60 дугаар зүйлийн 60.2.3 дахь заалт:

¶60.2.3.

орон нутгийн төсвийн үндсэн тэнцлийн ашгаас суурь зарлагатай тэнцэх хэсгийг хасч үлдэх хэсэг;

Энэ хуулийг 2016 оны 01 дүгээр сарын 01-ний өдрөөс эхлэн дагаж мөрдөнө.