Төсвийн Тухай Хуульд Өөрчлөлт Оруулах Тухай

Төсвийн тухай хуулийн 28 дугаар зүйлийн 28.1 дэх хэсгийн эдийн засгийн өсөлтийг гэснийг эдийн засаг, нийгмийн хөгжлийг гэж, мөн зүйлийн 28.3.7 дахь заалтын бүс нутгийн хөгжлийн бодлого гэснийг бүсчилсэн хөгжлийн бодлого гэж, 28 дугаар зүйлийн 28.8 дахь хэсгийн Улсын Их Хурлаас баталсан төрийн бодлогын баримт бичгийн гэснийг Төрөөс баримтлах бодлого, үндэсний хөтөлбөрийн гэж тус тус өөрчилсүгэй.

Төсвийн тухай хуулийн 8 дугаар зүйлийн 8.2 дахь хэсгийг хүчингүй болсонд тооцсугай.

Энэ хуулийг Хөгжлийн бодлого төлөвлөлтийн тухай хууль хүчин төгөлдөр болсон өдрөөс эхлэн дагаж мөрдөнө.