Статистикийн Тухай Хуульд Нэмэлт, Өөрчлөлт Оруулах Тухай

13¹ дүгээр зүйл:

¶13¹ дүгээр зүйл.Үндэсний статистикийн хорооны удирдлага

¶13¹.1.

Үндэсний статистикийн хороо Дэд даргатай байна. Дэд даргыг Үндэсний статистикийн хорооны дарга томилно.

¶13¹.2.

Үндэсний статистикийн хорооны дарга, дэд даргыг томилохдоо түүний эдийн засаг, статистик, удирдлагын мэдлэг, мэргэшлийн ур чадвар, мэргэжлийн ёс зүй, ажлын туршлагыг харгалзана.

¶13¹.3.

Үндэсний статистикийн хорооны даргын цалинг Улсын Их Хурал тогтооно.

¶13¹.4.

Үндэсний статистикийн хорооны даргын бүрэн эрх дараахь тохиолдолд дуусгавар болно:

¶1/

хуульд заасан бүрэн эрхийн хугацаа дуусгавар болсон

¶2/

эрүүл мэндийн байдал болон хүндэтгэн үзэх бусад шалтгаанаар албан үүргээ цаашид гүйцэтгэх боломжгүй болсон

¶3/

албан тушаалаас чөлөөлж өгөхийг өөрөө хүссэн

¶4/

үүрэгт ажлаа хангалтгүй биелүүлсэн

¶5/

гэмт хэрэг үйлдсэнийг шүүхээс тогтоож, шийдвэр нь хүчин төгөлдөр болсон.

15 дугаар зүйлийн 1 дэх хэсгийн 7 дахь заалт:

¶7/

Улсын Их Хурлын Байнгын хороо, Засгийн газар, холбогдох бусад байгууллагатай шууд харилцаж, Улсын Их Хурлын чуулган, Байнгын хороо, Засгийн газрын хуралдаанд зөвлөх эрхтэйгээр оролцох;

15 дугаар зүйлийн 3 дахь хэсэг:

¶3.

Үндэсний статистикийн хорооны дарга бүрэн эрхээ хэрэгжүүлэхдээ дараахь баталгаагаар хангагдана:

¶1/

төрийн өндөр албан тушаалтны зэрэг дэвд тохирсон цалин авч, шаардлагатай бусад хангамж эдлэх

¶2/

уналга, холбооны хэрэгслээр хангагдах

¶3/

хуулиар тогтоосон бусад баталгаа.

Статистикийн тухай хуулийн 13 дугаар зүйлийн 1, 2 дахь хэсгийг доор дурдсанаар өөрчлөн найруулсугай:

¶1.

Үндэсний статистикийн хорооны даргыг Монгол Улсын Их Хурлын даргын санал болгосноор Улсын Их Хурлаас зургаан жилийн хугацаагаар томилно. 2.Үндэсний статистикийн хорооны дарга үйл ажиллагаагаа Улсын Их Хуралд хариуцан тайлагнана.

Статистикийн тухай хуулийн 7 дугаар зүйлийн 1, 4 дэх хэсэг, 11 дүгээр зүйлийн 3, 4, 5 дахь хэсэг, 12 дугаар зүйлийн гарчиг, мөн зүйлийн 1, 2, 3 дахь хэсгийн Статистикийн асуудал эрхэлсэн төрийн захиргааны байгууллага гэснийг Үндэсний статистикийн хороо гэж, 5 дугаар зүйлийн 3 дахь хэсэг, 7 дугаар зүйлийн 5 дахь хэсэг, 11 дүгээр зүйлийн 2 дахь хэсгийн статистикийн асуудал эрхэлсэн төрийн захиргааны байгууллага гэснийг Үндэсний статистикийн хороо гэж, 14 дүгээр зүйлийн 1 дэх хэсгийн Статистикийн асуудал эрхэлсэн төрийн захиргааны байгууллагад гэснийг Үндэсний статистикийн хороонд гэж, 6 дугаар зүйлийн 2 дахь хэсэг, 19 дүгээр зүйлийн 1 дэх хэсгийн 1, 6 дахь заалтын статистикийн асуудал эрхэлсэн төрийн захиргааны байгууллагад гэснийг Үндэсний статистикийн хороонд гэж, 13, 14, 15, 15¹ дүгээр зүйлийн гарчиг, 14 дүгээр зүйлийн 3 дахь хэсэг, 15 дугаар зүйлийн 1 дэх хэсэг, 15¹ дүгээр зүйлийн 1 дэх хэсгийн Статистикийн асуудал эрхэлсэн төрийн захиргааны байгууллагын гэснийг Үндэсний статистикийн хорооны гэж, 7 дугаар зүйлийн 2, 3 дахь хэсэг, 14 дүгээр зүйлийн 2 дахь хэсэг, 15 дугаар зүйлийн 1 дэх хэсгийн 4 дэх заалт, 16 дугаар зүйлийн 1, 2 дахь хэсэг, 22 дугаар зүйлийн 7 дахь хэсгийн статистикийн асуудал эрхэлсэн төрийн захиргааны байгууллагын гэснийг Үндэсний статистикийн хорооны гэж, 15 дугаар зүйлийн 1 дэх хэсгийн 5 дахь заалтын статистикийн асуудал эрхэлсэн төрийн захиргааны байгууллагыг гэснийг Үндэсний статистикийн хороог гэж, 3 дугаар зүйлийн 1 дэх хэсгийн 5, 8 дахь заалт, 18 дугаар зүйлийн 1 дэх хэсгийн 4 дэх заалт, 19 дүгээр зүйлийн 1 дэх хэсгийн 2, 4 дэх заалт, 20 дугаар зүйлийн 1 дэх хэсгийн 2 дахь заалтын статистикийн асуудал эрхэлсэн төрийн захиргааны байгууллагаас гэснийг Үндэсний статистикийн хорооноос гэж, 15 дугаар зүйлийн 1 дэх хэсгийн 7 дахь заалтын дугаарыг 8 гэж тус тус өөрчилсүгэй.

Энэ хуулийг 2016 оны 07 дугаар сарын 21-ний өдөр баталсан Монгол Улсын Засгийн газрын тухай хуульд нэмэлт, өөрчлөлт оруулах тухай хууль хүчин төгөлдөр болсон өдрөөс эхлэн дагаж мөрдөнө.