Өөрчлөлт Оруулах Тухай

3 дугаар зүйлийн 3.1.10 дахь заалт:

¶3.1.10.

“нэгж талбарын хувийн хэрэг” гэж газар өмчлөх эрх болон түүнтэй холбоотой эд хөрөнгийн бусад эрхтэй холбоотой цаасан болон цахим баримт бичгийн бүрдлийг.

4 дүгээр зүйлийн 4.1.7 дахь заалт:

¶4.1.7.

газар дээрх үл хөдлөх хөрөнгө нь тухайн газрын бүрдэл хэсэг байх.

5 дугаар зүйлийн 5.4 дэх хэсэг:

¶5.4.

Газар өмчлөгч нь газар өмчлөх эрхээ Эд хөрөнгийн эрхийн улсын бүртгэлийн тухай хуульд заасны дагуу эрхийн улсын бүртгэлд бүртгүүлнэ.

23 дугаар зүйлийн 23.2.23 дахь заалт:

¶23.2.23.

нэгж талбарын хувийн хэрэг хөтлөх журмыг батлах.

23 дугаар зүйлийн 23.3.9 дэх заалт:

¶23.3.9.

газар эзэмших, ашиглах эрхийг Эд хөрөнгийн эрхийн улсын бүртгэлийн тухай хуулийн 28.1-д заасан журмын дагуу эрхийн улсын бүртгэлд бүртгүүлэх.

23 дугаар зүйлийн 23.4.6 дахь заалт:

¶23.4.6.

газар эзэмших, ашиглах эрхийг Эд хөрөнгийн эрхийн улсын бүртгэлийн тухай хуулийн 28.1-д заасан журмын дагуу эрхийн улсын бүртгэлд бүртгүүлэх.

23 дугаар зүйлийн 23.6 дахь хэсэг:

¶23.6.

Аймаг, нийслэл, дүүргийн газрын алба, сумын газрын даамал нь газар эзэмших, ашиглах эрхийн гэрчилгээнд Эд хөрөнгийн эрхийн улсын бүртгэлийн тухай хуулийн 28.3-т заасан эрхийн улсын бүртгэлийн дугаарыг тэмдэглэнэ.

Газрын тухай хуулийн 32 дугаар зүйлийн 32.2.2 дахь заалтын байршил, гэсний дараа нэгж талбарын дугаар, гэж, 34 дүгээр зүйлийн 34.6.3 дахь заалт, 44¹ дүгээр зүйлийн 44¹.6.3 дахь заалтын “зураг” гэсний дараа “, нэгж талбарын дугаар” гэж тус тус нэмсүгэй.

Энэ хуулийг Эд хөрөнгийн эрхийн улсын бүртгэлийн тухай хууль /Шинэчилсэн найруулга/ хүчин төгөлдөр болсон өдрөөс эхлэн дагаж мөрдөнө.