Монгол Улсын Их Хурлын Чуулганы Хуралдааны Дэгийн Тухай Хуульд Нэмэлт, Өөрчлөлт Оруулах Тухай

Монгол Улсын Их Хурлын чуулганы хуралдааны дэгийн тухай хуулийн 24⁶ дугаар зүйлд доор дурдсан агуулгатай 24⁶.2 дахь хэсэг нэмсүгэй:

¶24⁶.2.

Байнгын хороо энэ хуулийн 24⁶.1-д заасан гурав дахь хэлэлцүүлэгт бэлтгэхдээ зөвхөн дараах тохиолдолд санал хураалт явуулж болох бөгөөд Байнгын хорооны хуралдаанд оролцсон гишүүдийн гуравны хоёроос доошгүйн саналаар хэлэлцэж, шийдвэрлэнэ: 24⁶.2.1.нэгдсэн хуралдаанаар хоёр дахь хэлэлцүүлэг явуулах үед төслийн зарим зүйл, хэсэг, заалтыг гүйцээн боловсруулах чиглэл хуралдаан даргалагчаас өгсөн; 24⁶.2.2.энэ хуулийн 24⁵.4 дэх хэсэгт заасан санал, дүгнэлт; 24⁶.2.3.нэгдсэн хуралдааны хоёр дахь хэлэлцүүлгээр санал хурааж шийдвэрлэсэн боловч уг асуудлаар Байнгын хорооны хуралдаанд оролцсон гишүүдийн гуравны хоёроос доошгүй нь дахин санал хураалгах шаардлагатай гэж үзсэн; 24⁶.2.4.Үндсэн хуульд оруулах нэмэлт, өөрчлөлтийн төслийн зүйл, хэсэг, заалтад найруулгын засвар хийсэн.

Монгол Улсын Их Хурлын чуулганы хуралдааны дэгийн тухай хуулийн 24⁶ дугаар зүйлийн 24⁶.3 дахь хэсгийн “24⁶.1.3, 24⁶.1.4” гэснийг “24⁶.1.4, 24⁶.2” гэж, 24⁶ дугаар зүйлийн 24⁶.2 дахь хэсгийн дугаарыг “24⁶.3” гэж, 24⁶ дугаар зүйлийн 24⁶.3 дахь хэсгийн дугаарыг “24⁶.4” гэж, 24⁶ дугаар зүйлийн 24⁶.1.4 дэх заалтын “24⁵.4-т заасан зөрчлийг арилгах зорилгоор” гэснийг “24⁶.2-т заасан үндэслэлээр” гэж, 24⁷ дугаар зүйлийн 24⁷.3 дахь хэсгийн “24⁵.4-т заасан зөрчлийг арилгах санал болон төслийн зүйл, хэсэг, заалтад найруулга хийсэн бол” гэснийг “24⁶.2-т заасан” гэж тус тус өөрчилсүгэй.

Монгол Улсын Их Хурлын чуулганы хуралдааны дэгийн тухай хуулийн 24⁶ дугаар зүйлийн 24⁶.1.3 дахь заалтыг хүчингүй болсонд тооцсугай.