Төрийн Албаны Тухай Хуульд Нэмэлт Оруулах Тухай

Төрийн албаны тухай хуулийн 57 дугаар зүйлд доор дурдсан агуулгатай 57.13 дахь хэсэг нэмсүгэй:

¶57.13.

Улсын Их Хурлын дарга, Улсын Их Хурлын дэд дарга, Улсын Их Хурлын гишүүн, Улсын Их Хурлын Ерөнхий нарийн бичгийн дарга, Улсын Их Хурлын даргын зөвлөх, Улсын Их Хурлын Тамгын газрын тэргүүн дэд, дэд дарга болон Улсын Их Хурлын Тамгын газрын удирдах, гүйцэтгэх, туслах албан тушаалын цалингийн хэмжээ тогтоох итгэлцүүрийг Улсын Их Хурал өөрөө тогтооно.

Төрийн албаны тухай хуулийн 57 дугаар зүйлийн 57.9 дэх хэсгийн Төрийн өндөр гэсний өмнө Энэ хуулийн 57.13-т зааснаас бусад гэж, мөн зүйлийн 57.10 дахь хэсгийн “орлогч” гэсний дараа “, Улсын Их Хурлын Ерөнхий нарийн бичгийн дарга, Улсын Их Хурлын Тамгын газрын тэргүүн дэд, дэд дарга” гэж тус тус нэмсүгэй.

Энэ хуулийг Монгол Улсын Их Хурлын тухай хууль /Шинэчилсэн найруулга/ хүчин төгөлдөр болсон өдрөөс эхлэн дагаж мөрдөнө.