Хөгжлийн Бэрхшээлтэй Хүний Эрхийн Тухай Хуульд Өөрчлөлт Оруулах Тухай

Хөгжлийн бэрхшээлтэй хүний эрхийн тухай хуулийн 37 дугаар зүйлийн 37.2.1 дэх заалтын 0-16 гэснийг 0-18 гэж, мөн зүйлийн 37.2.2 дахь заалтын 16 гэснийг 18 гэж, 37.2.2, 37.2.3 дахь заалтын эмнэлэг, хөдөлмөрийн магадлах комисс гэснийг эрүүл мэндийн магадлалын зөвлөл гэж, 37.3 дахь хэсгийн комисс нийгмийн гэснийг зөвлөл нийгмийн гэж, 37.4 дэх хэсгийн 37.2.1, 37.2.2-т гэснийг 37.2.1-д гэж, 37.5 дахь хэсгийн 37.2.1-37.2.3-т заасан комиссын гэснийг 37.2.1, 37.2.2-т заасан комисс, зөвлөлийн гэж, 37.9 дэх хэсгийн комиссоос гэснийг зөвлөлөөс гэж тус тус өөрчилсүгэй.

Хөгжлийн бэрхшээлтэй хүний эрхийн тухай хуулийн 26 дугаар зүйлийн 26.1.15 дахь заалтын тухай гэснийг хассугай.

Энэ хуулийг Нийгмийн даатгалын ерөнхий хууль /Шинэчилсэн найруулга/ хүчин төгөлдөр болсон өдрөөс эхлэн дагаж мөрдөнө.