Зөвшөөрлийн Тухай Хуульд Нэмэлт, Өөрчлөлт Оруулах Тухай

Зөвшөөрлийн тухай хуулийн 5.1 дүгээр зүйлд доор дурдсан агуулгатай 6 дахь хэсэг нэмсүгэй:

¶6.

Эрх бүхий этгээд нь Нийтийн мэдээллийн ил тод байдлын тухай хуулийн 5.1.7-д заасны дагуу өөрт байгаа, эсхүл нийтийн мэдээллийн дэд бүтцийг ашиглан олж авах, солилцох боломжтой мэдээллийг зөвшөөрөл хүсэгчээс шаардахгүй.

Зөвшөөрлийн тухай хуулийн 5.2 дугаар зүйлийн 10 дахь хэсгийн бичгээр гэсний дараа , эсхүл Нийтийн мэдээллийн ил тод байдлын тухай хуулийн 18.2-т заасан систем, албаны цахим шуудангаар дамжуулан цахим хэлбэрээр гэж, 5.5 дугаар зүйлийн 12 дахь хэсгийн, 6.1 дүгээр зүйлийн 4 дэх хэсгийн, 6.3 дугаар зүйлийн 4 дэх хэсгийн “бичгээр” гэсний дараа “, эсхүл энэ хуулийн 5.2 дугаар зүйлийн 10-т заасан цахим хэлбэрээр” гэж, 5.5 дугаар зүйлийн 19.3 дахь заалтын “тамга /тэмдэг/” гэсний дараа “, эсхүл цахим гарын үсэг” гэж тус тус нэмсүгэй.

Зөвшөөрлийн тухай хуулийн 5.1 дүгээр зүйлийн 5 дахь хэсгийг доор дурдсанаар өөрчлөн найруулсугай:

¶5.

Зөвшөөрөл хүссэн өргөдөл, энэ зүйлийн 3-т заасан баримт бичгийг цахим хэлбэрээр гаргаж болно.

Зөвшөөрлийн тухай хуулийн 5.3 дугаар зүйлийн 3.7 дахь заалтын тоон гэснийг цахим гэж өөрчилсүгэй.