Инновацын Тухай Хуульд Нэмэлт, Өөрчлөлт Оруулах Тухай

Инновацын тухай хуулийн 17 дугаар зүйлийн 17.1 дэх хэсэгт доор дурдсан агуулгатай 17.1.12 дахь заалт нэмсүгэй:

¶17.1.12.

хамтын оффис, хурдасгуур төв, технологи дамжуулах төв, технологийн инкубатор, бизнес-инкубаторын үйл ажиллагаанд дэмжлэг үзүүлэх;

Инновацын тухай хуулийн 5 дугаар зүйлийн 5.1 дэх хэсгийн технологийн үндэсний зөвлөл, гэснийг технологи, инновацын үндэсний хороо, гэж, 6 дугаар зүйлийн 6.1.10 дахь заалтын технологийн үндэсний зөвлөлийн гэснийг технологи, инновацын үндэсний хорооны гэж, 7 дугаар зүйлийн 7.1.6 дахь заалтын технологийн үндэсний зөвлөлөөр гэснийг технологи, инновацын үндэсний хороогоор гэж, 17 дугаар зүйлийн 17.1.12 дахь заалтын дугаарыг 17.1.13 гэж тус тус өөрчилсүгэй.

Энэ хуулийг Шинжлэх ухаан, технологийн тухай /Шинэчилсэн найруулга/ хууль хүчин төгөлдөр болсон өдрөөс эхлэн дагаж мөрдөнө.