Төсвийн Тогтвортой Байдлын Тухай Хуульд Нэмэлт, Өөрчлөлт Оруулах Тухай

4 дүгээр зүйлийн 4.1.12, 4.1.13 дахь заалт:

¶4.1.12.

“нэгдсэн төсвийн суурь зарлага” гэж нийт зарлагаас үнэт цаас болон гадаад зээлээр санхүүжих зардлыг хасаж тооцсон дүнг;

¶4.1.13.

“нэгдсэн төсвийн суурь тэнцэл” гэж нэгдсэн төсвийн тэнцвэржүүлсэн орлогоос суурь зарлагыг хассан дүнг.

6 дугаар зүйлийн 6.6 дахь хэсэг:

¶6.6.

Энэ хуулийн 6.1.2-т заасан суурь тэнцлийн ашгийг Засгийн газрын өрийн үндсэн төлбөрийг төлж барагдуулахад зарцуулна.

6 дугаар зүйлийн 6.1.2, 6.1.3 дахь заалт:

¶6.1.2.

нэгдсэн төсвийн суурь тэнцэл нь тухайн жилийн дотоодын нийт бүтээгдэхүүний хоёр буюу түүнээс дээш хувийн ашигтай байх;

¶6.1.3.

нэгдсэн төсвийн урсгал зарлагын хэмжээ тухайн жилийн дотоодын нийт бүтээгдэхүүний 30 хувиас хэтрэхгүй байх;

12 дугаар зүйлийн 12.1 дэх хэсэг:

¶12.1.

Дунд хугацааны төсвийн хүрээний мэдэгдэлд дараах үзүүлэлтийг тусгана:

¶12.1.1.

дотоодын нийт бүтээгдэхүүний бодит өсөлтийн хэмжээ;

¶12.1.2.

хэрэглээний үнийн өсөлтийн түвшин;

¶12.1.3.

нэгдсэн төсвийн тэнцвэржүүлсэн орлогын доод хэмжээ;

¶12.1.4.

нэгдсэн төсвийн нийт зарлагын дээд хэмжээ;

¶12.1.5.

нэгдсэн төсвийн тэнцвэржүүлсэн тэнцэл;

¶12.1.6.

нэгдсэн төсвийн суурь зарлагын дээд хэмжээ;

¶12.1.7.

нэгдсэн төсвийн суурь тэнцэл;

¶12.1.8.

Засгийн газрын өрийн нийт хэмжээ;

¶12.1.9.

Нийгмийн халамжийн тухай хуульд заасны дагуу төсвөөс хуваарилах зардлын дээд хэмжээ.

Төсвийн тогтвортой байдлын тухай хуулийн 6 дугаар зүйлийн 6.1.4 дэх заалтын өнөөгийн үнэ цэнээр гэснийг нэрлэсэн дүнгээр гэж, мөн зүйлийн 6.5 дахь хэсгийн нэмэгдүүлэх, 6.4-т заасан хугацааг сунгахыг гэснийг нэмэгдүүлэхийг гэж, 19 дүгээр зүйлийн 19.1 дэх хэсгийн 2025 гэснийг 2024 гэж, мөн зүйлийн 19.9 дэх хэсгийн Энэ хуулийн 6.1.2-т гэснийг Энэ хуульд гэж тус тус өөрчилсүгэй.

Төсвийн тогтвортой байдлын тухай хуулийн 19 дүгээр зүйлийн 19.3 дахь хэсгийн , 2024 оны төсвийн жилээс эхлэн 60 хувиас гэснийг хассугай.

Төсвийн тогтвортой байдлын тухай хуулийн 6 дугаар зүйлийн 6.4 дэх хэсгийг хүчингүй болсонд тооцсугай.

Энэ хуулийг Монгол Улсын нэгдсэн төсвийн 2024 оны төсвийн хүрээний мэдэгдэл, 2025-2026 оны төсвийн төсөөллийн тухай хуульд өөрчлөлт оруулах тухай хууль хүчин төгөлдөр болсон өдрөөс эхлэн дагаж мөрдөнө.