Замын Хөдөлгөөний Аюулгүй Байдлын Тухай Хуульд Нэмэлт, Өөрчлөлт Оруулах Тухай

9 дүгээр зүйлийн 9.4.8 дахь заалт:

¶9.4.8.

нутаг дэвсгэр хариуцсан цагдаагийн байгууллагатай хамтран энэ хуулийн 9.2.4-т заасан шийдвэрийн биелэлтийг хэрэгжүүлэх.

21 дүгээр зүйлийн 21.6 дахь хэсэг:

¶21.6.

Баруун гар талдаа жолооны хүрдтэй механикжсан тээврийн хэрэгслийг Монгол Улсын нутаг дэвсгэрт замын хөдөлгөөнд оролцуулах зорилгоор импортлохыг хориглоно.

Замын хөдөлгөөний аюулгүй байдлын тухай хуулийн 14 дүгээр зүйлийн 14.6 дахь хэсгийг доор дурдсанаар өөрчлөн найруулсугай:

¶14.6.

Сургалт явуулах стандартын шаардлагагыг хангаагүй, эсхүл сургалтыг хангалтгүй зохион байгуулсан нь жолооч бэлтгэх сургалтын байгууллагын үйл ажиллагааг зогсоох үндэслэл болно.

Замын хөдөлгөөний аюулгүй байдлын тухай хуулийн 14 дүгээр зүйлийн 14.3 дахь хэсгийн журмыг гэснийг болон шалгалтын хураамжийн хэмжээ, түүнийг зарцуулах журмыг гэж өөрчилсүгэй.

Замын хөдөлгөөний аюулгүй байдлын тухай хуулийн 8 дугаар зүйлийн 8.2.4 дэх заалтын “, зөрчлийн бүртгэлийн оноо тооцох” гэснийг, мөн зүйлийн 8.3 дахь хэсгийн зөрчлийн бүртгэлийн оноо тооцох гэснийг тус тус хассугай.

Замын хөдөлгөөний аюулгүй байдлын тухай хуулийн 8 дугаар зүйлийн 8.4.3 дахь заалтыг, 10 дугаар зүйлийн 10.4 дэх хэсгийг, 18 дугаар зүйлийн 18.1.3 дахь заалтыг, мөн зүйлийн 18.4 дэх хэсгийг тус тус хүчингүй болсонд тооцсугай.

Энэ хуулийн 1 дүгээр зүйлийн 2 дахь заалтыг 2030 оны 06 дугаар сарын 01-ний өдрөөс эхлэн дагаж мөрдөнө.

Энэ хуулийг Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хуульд нэмэлт, өөрчлөлт оруулах тухай хууль хүчин төгөлдөр болсон өдрөөс эхлэн дагаж мөрдөнө.