“Мянганы Зам” Төслийг Хэрэгжүүлэхтэй Холбогдуулан Гаалийн Албан Татвараас Чөлөөлөх Тухай

“Мянганы зам” төслийн хүрээнд авто замын салбарын текникийн шинэчлэл хийх зориулалтаар импортлох автогрейдер, замын индүү, бульдозер, ачигч, эксковатор, автосамосвал, асфальт дэвсэгч, чулуу бутлуур, асфальт завод, усны машин, битум зөөгч зэрэг зам барилгын тохнологийн машин, механизмыг гаалийн албан татвараас чөлөөлсүгэй.

Энэ хуулийн 1 дүгээр зүйлд заасан, улсын хилээр нэвтрүүлэх машин, тоног төхөөрөмжийн зориулалт, тоо хэмжээний жагсаалтыг Бараа тодорхойлох, кодлох уялдуулсан системийн ангиллаар Засгийн газар батална.