Монгол Улсыг Хөгжүүлэх Сангийн 2009 Оны Төсвийн Тухай

Энэ хуулийн зорилт нь Монгол Улсыг хөгжүүлэх санд 2009 оны төсвийн жилд төвлөрүүлэх орлого, зарцуулах зарлагын хэмжээ, зарцуулах эрх олгохтой холбогдсон харилцааг зохицуулахад оршино.

Монгол Улсыг хөгжүүлэх сангийн 2009 оны төсвийн тухай хууль тогтоомж нь Монгол Улсын нэгдсэн төсвийн тухай хууль

Монгол Улсын нэгдсэн төсвийн тухай хууль-“Төрийн мэдээлэл” эмхтгэлийн 2002 оны 44 дүгээрт нийтлэгдсэн.

Монгол Улсыг хөгжүүлэх сангийн тухай хууль- “Төрийн мэдээлэл” эмхтгэлийн 2007 оны 8 дугаарт нийтлэгдсэн.

Төсвийн байгууллагын удирдлага, санхүүжилтийн тухай хууль-“Төрийн мэдээлэл” эмхтгэлийн 2002 оны 28 дугаарт нийтлэгдсэн.

Монгол Улсыг хөгжүүлэх санд 2009 оны төсвийн жилд төвлөрүүлэх төсвийн орлогын доод хэмжээг 132,923.4 сая төгрөгөөр баталсугай.

2009 оны төсвийн жилд Монгол Улсыг хөгжүүлэх сангийн хөрөнгөөр санхүүжүүлэх хөрөнгө оруулалтын зардлын хэмжээг 179,501.1 сая төгрөгөөр, хүүхэд, гэр бүлд олгох зардлын хэмжээг 104,600.0 сая төгрөгөөр, авто зам, барилга, эрчим хүчний салбарт 2008 онд хийгдсэн хөрөнгө оруулалтын төсөл, арга хэмжээний үнийн өсөлтөөр нэмэгдсэн зардлын хэмжээг 12,866.8 сая төгрөгөөр тус тус баталсугай.

Монгол Улсыг хөгжүүлэх сангийн хөрөнгөөр санхүүжүүлэх хөрөнгө оруулалтын төсөл, арга хэмжээ, барилга байгууламжийн жагсаалт”-ыг 1 дүгээр хавсралтаар, Монгол Улсыг хөгжүүлэх сангийн 2009 оны хөрөнгө оруулалтын төлөвлөгөөнөөс хойшлуулах төсөл, арга хэмжээ, барилга байгууламжийн жагсаалт”-ыг 2 дугаар хавсралтаар, “Авто зам, барилга, эрчим хүчний салбарт 2008 онд хийгдсэн хөрөнгө оруулалтын төсөл, арга хэмжээний үнийн өсөлтөөр нэмэгдсэн зардлын жагсаалт”-ыг 3 дугаар хавсралтаар тус тус баталсугай.

Монгол Улсыг хөгжүүлэх сангийн давагдашгүй хүчин зүйлийн улмаас үүссэн төсвийн орлогын дутагдлыг нөхөх эх үүсвэрээс Монгол Улсын 2009 оны төсвийн алдагдлыг санхүүжүүлэх эх үүсвэрт 219,600.0 сая төгрөгийг зарцуулахаар баталсугай.

Монгол Улсыг хөгжүүлэх сангийн хөрөнгөөр бий болсон газрын тосны болон хүнсний улаан буудайн нөөцийн хадгалалтын хөлсийг 3,298.1 сая төгрөгөөр баталсугай.

Энэ хуулийг 2009 оны 01 дүгээр сарын 01-ний өдрөөс эхлэн дагаж мөрдөнө.