Эрдэнийн очир одонг сэргээн хэрэглэх тухай

НЭГ.Монгол Улсын "Эрдэнийн очир" одонг "сувдан шигтгээт", "шүрэн шигтгээт", "оюун шигтгээт" гэсэн гурван зэрэг дэвтэйгээр сэргээн хэрэглэхээр тогтоосугай. ХОЁР."Эрдэнийн очир" одонгоор олон улсын харилцааны шударга ардчилсан зарчмыг бататгаж, Монгол Улстай найрамдал, хамтын ажиллагааг бэхжүүлэхэд онцгой хувь нэмэр оруулж гавьяа байгуулсан гадаад улсын төр, засгийн газрын тэргүүн, төр, олон нийтийн бусад зүтгэлтэнийг шагнаж байсугай. ГУРАВ.”Эрдэнийн очир” одонгийн ерөнхий байдал ба зэрэг дэвийн дүрмийг хавсралтын ёсоор баталсугай.