Үндсэн агуулга руу шилжих
ТМ Төрийн мэдээлэл
Нүүр › uih-togtool › 1991 › БНМАУ-ЫН ШҮҮХ, ПРОКУРОРЫН БАЙГУУЛЛАГЫН ТАЛААР АВАХ ЗАРИМ АРГА ХЭМЖЭЭНИЙ ТУХАЙ

uih-togtool

БНМАУ-ЫН ШҮҮХ, ПРОКУРОРЫН БАЙГУУЛЛАГЫН ТАЛААР АВАХ ЗАРИМ АРГА ХЭМЖЭЭНИЙ ТУХАЙ

Хүчин төгөлдөр
Байнгын хаяг Энэ хувилбарын хаяг PDF Akoma Ntoso XML Бүрэн бүтэн байдал Дагах (Atom)

БНМАУ-ЫН ШҮҮХ, ПРОКУРОРЫН БАЙГУУЛЛАГЫН ТАЛААР АВАХ ЗАРИМ АРГА ХЭМЖЭЭНИЙ ТУХАЙ

1991-01-28, Улаанбаатар10

БНМАУ-ын шүүх, прокурорын байгууллагын хараат бус байдлыг хангах зорилтыг удирдлага болгон БНМАУ-ын Бага Хурлаас ТОГТООХ нь:

1.

/Энэ хэсгийг Улсын Их хурлын 1993 оны 06 дугаар тогтоолоор хүчингүй болгосон/

2.

Шүүх, прокурорын байгууллагын ажлын нөхцөлийг сайжруулах талаар дор дурдсан арга хэмжээ авахыг БНМАУ-ын Засгийн газарт даалгасугай:

1/

ардын төлөөлөгч нарын шүүхэд үүргээ гүйцэтгэсэн хугацааны дундаж цалинг шүүхийн төсөвт тусган гүйцэтгэлээр олгож байх;

2/

шүүх хурлын дэг сахиулах, шүүн таслах ажиллагааг хэрэгжүүлэх баталгааг сайжруулах зорилгоор аймаг, хотын болон тусгай шүүх, орон нутгийн хот, дүүргийн шүүхүүдэд шүүх хурлын харгалзагчийн орон тоо бий болгох;

3/

шүүх хурлын харгалзагч, тогтоол гүйцэтгэгч нарыг албаны дүрэмт хувцастай болгож, тэлгээрт цол олгох журам тогтоох;

4/

Улсын дээд шүүх, Улсын прокурорын газарт жилийн цалингийн сангийн 10 хувиар тооцож болзошгүй арга хэмжээний зардлын санг бий болгох;

5/

Монголын өмгөөлөгчдийн холбоог бие даасан статусаа хадгалж аж ахуйн тооцоотой ажиллах чадвартай болтол нь санхүүгийн дэмжлэг үзүүлэх;

6/

хуулийн мэргэжилтэй боловсон хүчин бэлтгэх, давтан сургах системийг боловсронгуй болгож, шүүх, прокурорын байгууллагын албан контор, ажиллагчдын орон сууцны хүрэлцээ, нөхцөлийг сайжруулах.

БНМАУ-ын Бага Хурлын дарга Р.ГОНЧИГДОРЖ