Үндсэн агуулга руу шилжих
ТМ Төрийн мэдээлэл
Нүүр › uih-togtool › 1993 › Олон улсын гэрээний тухай Монгол Улсын хууль батлагдсантай холбогдуулан авах зарим арга хэмжээний тухай

uih-togtool

Олон улсын гэрээний тухай Монгол Улсын хууль батлагдсантай холбогдуулан авах зарим арга хэмжээний тухай

Хүчин төгөлдөр
Байнгын хаяг Энэ хувилбарын хаяг PDF Akoma Ntoso XML Бүрэн бүтэн байдал Дагах (Atom)

Олон улсын гэрээний тухай Монгол Улсын хууль батлагдсантай холбогдуулан авах зарим арга хэмжээний тухай

1993-12-28, Улаанбаатар101

Монгол Улсын Их Хурлаас ТОГТООХ нь:

1.

Олон улсын гэрээний тухай Монгол Улсын хууль батлагдсантай холбогдуулан дараахь арга хэмжээ авч хэрэгжүүлэхийг Засгийн газарт даалгасугай:

1/

Сайд нарын зөвлөл, Засгийн газрын тогтоол, шийдвэрийг 1994 оны эхний улиралд багтаан Олон улсын гэрээний тухай Монгол Улсын хуульд нийцүүлэх;

2/

яам, тусгай газар, тэдгээрийн харъяа байгууллагууд болон аймаг, нийслэлийн нутгийн захиргааны байгууллагаас бусад улсын ижил төрлийн байгууллагууд болон хувь хүн, хуулийн этгээдтэй гэрээ байгуулах журмыг 1994 оны эхний улиралд багтаан боловсруулж мөрдүүлэх.

2.

"Гадаад улсын ба олон улсын байгууллага албан тушаалтантай харилцах журмыг батлах тухай" БНМАУ-ын Ардын Их Хурлын Тэргүүлэгчдийн 1971 оны 12 дугаар сарын 29-ний өдрийн 50 дугаар тогтоолыг хүчингүй болсонд тооцсугай.

ДАРГА Н.БАГАБАНДИ