Гадаадын хөрөнгө оруулалтын тухай

Сайд нарын Зөвлөл, Засгийн газрын тогтоол, гадаад улс, олон улсын байгууллагуудтай байгуулсан гэрээ, хэлэлцээр болон бусад шийдвэрийг Гадаадын хөрөнгө оруулалтын тухай хуульд нийцүүлэх, хуулийг хэрэгжүүлэхтэй холбогдсон зохион байгуулалтын арга хэмжээг 1993 оны 7 дугаар сарын 1-ний дотор багтаан авах;

эрх бүхий байгууллагаас тусгай зөвшөөрөл авах үйлдвэрлэл, үйлчилгээний хүрээ, түүнд тавих нөхцөл шаардлагыг Гадаадын хөрөнгө оруулалтын тухай хуулийн 12 дугаар зүйлийн 3 дахь хэсгийн 7, Аж ахуйн нэгжийн тухай хуулийн 3 дугаар зүйлийн 2 дахь хэсэгт нийцүүлэн тодорхойлж, 1993 оны 6 дугаар сарын 10-ны дотор Улсын Их Хуралд өргөн мэдүүлэх;

гадаадын хөрөнгө оруулалтыг дэмжих, хамгаалах, зохицуулах болон түүнтэй холбогдсон маргааныг хянан шийдвэрлэх, тухай олон улсын конвенци, гэрээ, хэлэлцээрт нэгдэх, олон улсын байгууллагад элсэн орох асуудлыг судалж, 1993 онд багтаан шаардлагатай арга хэмжээ авах;

гадаадын хөрөнгө оруулагчдад зориулж Монгол Улсын зарим хууль тогтоомж, лавламжийн шинжтэй бусад баримт бичгийг англи хэл дээр бэлтгэн, 1993 онд багтаан хэвлэх ажлыг зохион байгуулах.