Валютын зохицуулалтын тухай

валютын зохицуулалттай холбогдсон тогтоол, шийдвэрийг энэхүү хуульд нийцүүлэх арга хэмжээг энэ оны 6 дугаар сарын 1-ний дотор авах;

тус улсын дотоод зах дээр гадаад валют арилжаанд явж байгаа өнөөгийн нөхцөл байдалд судалгаа, дүгнэлт хийж, Монгол Улсын үндэсний мөнгөн тэмдэгт төгөрөгийг үнэгүйдлээс хамгаалах тодорхой арга хэмжээ авч, энэ талаар Улсын Их Хуралд энэ оны 12 дугаар сарын 1-ний дотор багтаан мэдээлэх;

зочид буудал, нисэх онгоц, галт тэргэний буудал зэрэг аж ахуйн нэгж, байгууллагад гадаад бэлэн валютаар ажил, үйлчилгээ эрхлэх зөвшөөрлийг хянан олгох, цаашид валют худалдан авах, худалдах үйлчилгээг банкны салбар, цэгээр гүйцэтгүүлэх бэлтгэлийг хангах;

банкны төлбөрийн чадавхийг дээшлүүлэх, харилцагчдын хөрөнгийн баталгааг хангах замаар банкны ажил, үйлчилгээний чанар, цар хэмжээг олон улсын жишигт хүргэхэд чиглэсэн дэс дараатай ажил зохиох;

банкны үйл ажиллагааны өнөөгийн түвшингээс хамааран зарим төлбөрийг гадаадын найдвартай банкаар гүйцэтгүүлэх зөвшөөрлийг аж ахуйн нэгж, байгууллагад олгож байх;

Валютын зохицуулалтын тухай хуулийн 9 дүгээр зүйлийн 3 дахь хэсэгт заасан журмыг энэ оны 6 дугаар сарын 1-ний дотор баталж мөрдүүлэх;