Засгийн газрын бонд гаргах тухай

Бэлэн мөнгөний нийлүүлэлтийг нэмэгдүүлэхгүйгээр иргэн, аж ахуйн нэгж, байгууллагын сул чөлөөтэй мөнгөн хөрөнгийг эргэлтэд оруулж, үнэгүйдлээс хамгаалах, бэлэн мөнгөний нийлүүлэлтийг зохицуулахад дэмжлэг үзүүлэх зорилгоор 15 хүртэл тэрбум төгрөгийн бонд гаргахыг Засгийн газар /М.Энхсайхан/-т зөвшөөрсүгэй.

Засгийн газрын бонд гаргах, арилжаалахтай холбогдсон журмыг боловсруулж, Төсөв, санхүү, эдийн засгийн бодлогын байнгын хороонд танилцуулсны үндсэн дээр батлан мөрдүүлэхийг Засгийн газар /М.Энхсайхан/, Монгол банк /Д.Моломжамц/-д даалгасугай.