Тогтоолын төсөл буцаах тухай

Улсын Их Хурлын гишүүн Шаравжамцын Батбаяр, М.Чимидцэрэн, С.Ламбаа, Ж.Отгонбаяр, Д.Батнасан, Д.Бохьшарга, ЦЦогбадрах, Д.Энхтайван нарын өргөн мэдүүлсэн “Автомашины парк шинэчлэлтийн тухай” Улсын Их Хурлын тогтоолын төслийг хуралдаанаар хэлэлцэж, Эрүүлийг хамгаалах, цагдаа, батлан хамгаалах, хилийн цэргийн байгууллагуудын автомашины паркийг шинэчлэх асуудлыг судалж шийдвэрлэхийг Засгийн газарт өөрт нь даалгах нь зүйтэй гэсэн Төсвийн болон Төрийн байгуулалтын байнгын хорооны саналыг үндэслэн хуралдаанд оролцсон гишүүдийн олонхийн саналаар уг тогтоолын төслийг санаачлагчид нь буцаасугай.