Үндсэн агуулга руу шилжих
ТМ Төрийн мэдээлэл
Нүүр › uih-togtool › 1997 › Статистикийн тухай хуулийг хэрэгжүүлэхтэй холбогдуулан авах арга хэмжээний тухай

uih-togtool

Статистикийн тухай хуулийг хэрэгжүүлэхтэй холбогдуулан авах арга хэмжээний тухай

Хүчин төгөлдөр
Байнгын хаяг Энэ хувилбарын хаяг PDF Akoma Ntoso XML Бүрэн бүтэн байдал Дагах (Atom)
одоогийн эх рүү буцах

Статистикийн тухай хуулийг хэрэгжүүлэхтэй холбогдуулан авах арга хэмжээний тухай

1997-06-05, Улаанбаатар45

Статистикийн тухай Монгол Улсын хууль /шинэчилсэн найруулга/-ийг баталсантай холбогдуулан Монгол Улсын Их Хурлаас ТОГТООХ нь:

1.

Дараахь арга хэмжээ авч хэрэгжүүлэхийг Засгийн газар /М.Энхсайхан/-т даалгасугай:

1/

статистикийн асуудлаар одоо хүчин төгөлдөр үйлчилж байгаа Засгийн газрын болон түүний байгууллагуудын шийдвэрийг энэ хуульд нийцүүлэх арга хэмжээ авах;

2/

аймаг, нийслэл, дүүргийн Засаг даргын дэргэдэх статистикийн хэлтэс, тасгийг энэ хуульд нийцүүлэн зохион байгуулж , ажиллуулах асуудлыг Статистикийн тухай хууль хүчин төгөлдөр болсон өдрөөс хойш 1 сарын хугацаанд багтаан шийдвэрлэх.

2.

Дараахь арга хэмжээ авч хэрэгжүүлэхийг Үндэсний статистикийн газарт даалгасугай:

1/

Үндэсний статистикийн газрын бүтэц, зохион байгуулалтын асуудлыг шийдвэрлэх;

2/

олон улсын нийтлэг үзүүлэлт, аргачлалд шилжих 1997-2000 оны хөтөлбөр ,Статистикийн тухай хуульд заасан тооллого явуулах хугацааны товыг Засгийн газарт оруулах.

ДАРГА Р.ГОНЧИГДОРЖ