Төрийн өндөр албан тушаалтны зэрэг дэвд хамаарах төрийн албан тушаалын зэрэг зиндаа, түүнтэй адилтгах албан тушаалын зэрэглэлийг тогтоох тухай тогтоолд нэмэлт оруулах тухай

“ Төрийн өндөр албан тушаалтны зэрэг дэвд хамаарах төрийн албан тушаалын зэрэг зиндаа, түүнтэй адилтгах албан тушаалын зэрэглэл тогтоох тухай” Улсын Их Хурлын 1995 оны 7 дугаар сарын 3-ны өдрийн 41 дүгээр тогтоолын хавсралтаар баталсан “Төрийн өндөр албан тушаалтны зэрэг дэвд хамаарах төрийн албан тушаалын зэрэг зиндаатай адилтгах албан тушаалын зэрэглэл”-ийн “ТӨ-VA”-ийн тусгай албан тушаалд “Үндэсний статистикийн газрын дарга”, “ТӨ-VIA”-ийн тусгай албан тушаалд “Үндэсний статистикийн газрын дэд дарга” гэж тус тус нэмсүгэй.