Импортын зарим бараанд гаалийн албан татвар тогтоох тухай

Сүхбаатар, Замын-Үүд, Алтанбулагийн гаалийн боомтоор импортолж байгаа хүнсний зарим бараанд ногдуулах улирлын чанартай гаалийн албан татварын хувь хэмжээг дор дурдсанаар тогтоосугай:

Барааны нэр

Барааны код

Импортын гаалийн татварын хувь хэмжээ

Гурил

11010010

15

Төмс

07019090

15

Хүнсний ногоо .Үүнд:

Сонгино

07031000

15

Шар манжин

07061020

15

Байцаа

07049010

15

Шар лууван

07061010

15

Хүнсний зарим бараанд тогтоосон импортын гаалийн албан татварыг жил бүрийн 9 дүгээр сарын 1-нээс дараа жилийн 4 дүгээр сарын 1-ний хооронд мөрдөж байхаар тогтоосугай.

Импортын зарим бараанд гаалийн албан татвар тогтоох тухай Монгол Улсын Их Хурлын тогтоол батлагдсантай холбогдуулан энэхүү тогтоолын 1 дэх хэсэгт заасан бүлэг бараанд Монгол Улсын Их Хурлын 1997 оны 4 дүгээр сарын 18-ны өдрийн 24 дүгээр тогтоолын 2 дахь хэсгийн заалт хамаарахгүй байхаар тогтоосугай.

Энэ тогтоолын дагуу нэмэгдэх гаалийн албан татварын орлогын 50 хувийг хүн амын эмзэг хэсгийн амьдралын баталгааг сайжруулахад зориулж 1998 онд төлөвлөгдсөн эх үүсвэр дээр нэмж зарцуулах, цаашид нийгмийн тодорхой арга хэмжээнд зориулан зарцуулахаар төсвийн төлөвлөгөөнд тусгаж байхыг Засгийн газарт даалгасугай.

Энэ тогтоолыг 1998 оны 9 дүгээр сарын 1-ний өдрөөс эхлэн дагаж мөрдөнө.