“Төрийн өмчийг 2001-2004 онд хувьчлах үндсэн чиглэл”-д өөрчлөлт оруулах тухай

”Төрийн өмчийг 2001-2004 онд хувьчлах үндсэн чиглэл”-ийн 2.1.5.-ын 2 дахь хэсгийг “Монголын иргэний агаарын тээвэр ТӨҮГ-ыг төрийн өмчийн хувьцаат компанийн хэлбэрт шилжүүлэн хувьцааны 49 хувийг хөрөнгө оруулалт хийж үйл ажиллагаа, үйлчилгээг нь сайжруулах, техник технологийн шинэчлэл хийх санхүүгийн чадавхитай, олон улсын хэмжээнд нэр хүнд бүхий иргэний агаарын тээврийн чиглэлийн үйл ажиллагаа явуулдаг гадаадын байгууллагад уралдаант шалгаруулалтын аргаар хувьчлах” гэж өөрчлөн найруулсугай.

”Төрийн өмчийг 2001-2004 онд хувьчлах үндсэн чиглэл”-ийн 2.1.2-ын “Монгол Улсын алслагдсан аймаг, сум дахь шатахуун түгээх станцыг нефть бүтээгдэхүүнээр хангах талаар шинэ өмчлөгчийн зүгээс хүлээсэн үүргийн биелэлтийг хангуулах зорилгоор Засгийн газар алтан хувьцааг 5 жилийн хугацаатай гаргах” гэсэн хэсгийг хассугай.