Орон даяар гашуудал зарлах тухай

2007 оны 6 дугаар сарын 14-ний өдөр ой, хээрийн түймэр унтраах томилгоотой албан үүргээ гүйцэтгэж явсан төрийн албан хаагчид Сэлэнгэ аймгийн Мандал сумын нутагт нисдэг тэрэгний осолд өртөн харамсалтайгаар амь үрэгдсэнд эмгэнэн 2007 оны 6 дугаар сарын 22-ны өдрийн 07.00 цагаас 13.00 цаг хүртэлх хугацаанд орон даяар гашуудал зарласугай.

Гашуудлын үеийн дэг, гашуудал үйлдэх ёслолын түр журам тогтоож хэрэгжүүлэхийг Засгийн газар /М.Энхболд/ -т даалгасугай.

Энэ тогтоолыг батлагдсан өдрөөс эхлэн дагаж мөрдсүгэй.