uih-togtool
Тэтгэмжийн хэмжээг өөрчлөн тогтоох тухай
Хүчин төгөлдөрТэтгэмжийн хэмжээг өөрчлөн тогтоох тухай
2012-02-16, Улаанбаатар19
Нийгмийн халамжийн тухай хуулийн 19 дүгээр зүйлийн 19¹.6 дахь хэсгийг үндэслэн Монгол Улсын Их Хурлаас ТОГТООХ нь:
Нийгмийн халамжийн тухай хуулийн 19 дүгээр зүйлийн 19¹.5-д заасан эхэд сар тутам олгох тэтгэмжийн хэмжээг 2012 оны 02 дугаар сарын 01-ний өдрөөс эхлэн 32500 /гучин хоёр мянга таван зуун/ төгрөгөөр, 2012 оны 05 дугаар сарын 01-ний өдрөөс эхлэн 40000 /дөчин мянган/ төгрөгөөр тус тус тогтоосугай.
”Тэтгэмж, мөнгөн тусламжийн хэмжээг өөрчлөн тогтоох тухай” Улсын Их Хурлын 2010 оны 10 дугаар сарын 21-ний өдрийн 54 дүгээр тогтоолын нэрийн Тэтгэмж, мөнгөн тусламжийн гэснийг Мөнгөн тусламжийн гэж өөрчилсүгэй.
“Тэтгэмж, мөнгөн тусламжийн хэмжээг өөрчлөн тогтоох тухай” Улсын Их Хурлын 2010 оны 10 дугаар сарын 21-ний өдрийн 54 дүгээр тогтоолын 1 дэх заалтын Эхэд жирэмсний 5 сартайгаас эхлэн 12 сарын хугацаанд сар бүр олгох тэтгэмжийн хэмжээг 26000 /хорин зургаан мянган/ төгрөгөөр, гэснийг хассугай.
Энэ тогтоолыг Монгол Улсын 2012 оны төсвийн тухай хуульд нэмэлт, өөрчлөлт оруулах тухай хууль хүчин төгөлдөр болсон өдрөөс эхлэн дагаж мөрдөнө.
МОНГОЛ УЛСЫН ИХ ХУРЛЫН ДАРГА Д.ДЭМБЭРЭЛ